web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëri mos ki frikë”/ Studentë dhe mjekë, fushatë për të ndihmuar për situatën e Covid-19

23 Mars 2020, 12:16, Sociale CNA

Ndërkohë që Covid-19 vijon të përhapet me shpejtësi edhe në vendin tonë, mësohet se studentët, specializantët dhe mjekët shqiptarë me rezidencë në Itali kanë hapur një fushatë sensibilizimi dhe grumbullimi fondesh për të mbështetur Shqipërinë në situatën e krijuar nga pandemia COVID-19 me dispozitivë mbrojtës për personelin shëndetësor dhe tamponë.

Lajmi është bërë i ditur nga Dr. Gezim Xhepa, i cili në një postim në rrjetet sociale, ndërsa ka shpërndarë linkun ku mund të bëhen donacionet, falenderon nismëtarët që nuk po i gjenden pranë Shqipërisë në këto ditë të vështira.

?Të nderuar miq, kolegë dhe bashkatdhetarë!
Sot më erdhi një mesazh solidariteti nga një ish studentja ime Klorinda Çaushllari, ku më njoftonte se studentët, specializantët dhe mjekët shqiptarë me rezidencë në Itali kanë hapur një fushatë sensibilizimi dhe grumbullimi fondesh për të mbështetur Shqipërinë në situatën e krijuar nga pandemia COVID-19 me dispozitivë mbrojtës për personelin shëndetësor dhe tamponë… Nëpërmjet këtij mesazhi më kërkohet të shpërndaj linkun e këtij grupimi mjekësor, që në këto ditë të vështira, kërkon të rreshtohet në krahun tonë për përballimin e situatës…
Respekte dhe mirënjohje për këta bij dhe bija të kësaj toke, që ndonëse të detyruar të migrojnë, me shpirt, zemër dhe mendje janë dhe do të mbeten në krah të Shqipërisë hallemadhe… Shqipëri mos ki frikë, se gjaku yt i pastër dhe zemra e dlirë e filizave të tu, kudo në botë, reh me dashuri për ty…
Linku që mu dërgua është:
https://www.gofundme.com/f/covid19-albania?
Faleminderit dhe mirënjohje edhe një herë juve bijëve dhe bijave të pastër të kësaj toke…, që në këto ditë të vështira…, ndizni dritë shprese për sot dhe të ardhmen e kësaj toke…!?-shkruan Dr. Gezim Xhepa.





Lajmet e fundit nga