web counter
LEXO PA REKLAMA!

SHKARKO APP

App Store
Google Play

E fundit!

x

Gjoba për shkelësit e rregullave/ Vokshi i kthehet Ramës: Testoje popullin

18 Mars 2020, 16:24, Aktualitet CNA

Ish-deputetja e PD-së, Albana Vokshi i është përgjigjur kryeministrit Edi Rama lidhur me gjobat që ai ka paralajmëruar për qytetarët që shkelin rregullat e vendosura në këtë situatë që po kalonn vendi nga koronavirusi

Vokshi thotë se gjobat që qeveria ka përcaktuar në Aktin Normativ për shkeljet në situatën e koronavirusit, nuk janë zgjidhje.

Ajo i kërkon Ramës që të pranojë planin me tetë pika që propozoi Lulzim Basha për pajisjen e mjekëve me masat e duhura dhe ndihmën e qytetarëve.

“Me gjoba nuk zgjidhet asgjë. Duhen masa mbrojtëse për stafin mjekësor, duhen tamponë dhe kite për testimin e popullatës, duhen pajisjet e nevojshme mjekësore për përballimin e fluksit. Asgjë prej këtyre në kohë, megjithëse Kryetari i PD Lulzim Basha, prej ditësh, i ka bërë thirrje qeverisë të marrë masa për pajisjen e spitaleve me mjetet e nevojshme, përfshirë, aparatët respiratorë. Vazhdimisht, kryeministri e ka hedhur poshtë duke theksuar se spitalet kanë pajisje të nevojshme.
Sot mediat publikuan dokumenta se Ministria e Shëndetësisë ka hapur me urgjencë tenderin me afat vetëm 24 orë për blerjen e këtyre pajisjeve. Situata nuk menaxhohet as me shpalljet e gjobave në ERTV, as me daljet e Ramës nga vila 2 milionë euro në Surrel, aq më pak, me sulme ndaj çdo propozimi të opozitës.
Për shëndetin e mjekëve dhe të shqiptarëve duhen veprime të shpejta, që i paraprijnë përkeqësimit të situatës. Qytetarët kanë nevojë për dikë që qeveris dhe merr vendime në kohën e duhur për interesin e tyre. Qytetarët duan zgjidhje, jo të shtyjnë kohën duke parë Edi Ramën në televizor në mëngjes, në drekë dhe në darkë” shkruan Vokshi./CNA.al





Lajmet e fundit nga