web counter
LEXO PA REKLAMA!

SHKARKO APP

App Store
Google Play

E fundit!

x

Basha kërkon testimin e stafit mjekësor/ Flet për tenderin e respiratorëve: Nuk do ta sulmoj

18 Mars 2020, 18:44, Politikë CNA

Kryetari i opozitës Lulzim Basha nuk ka pranuar të komentojë deklaratat e kryeministrit Edi Rama dhe sulmet ndaj tij.

Ai tha se nuk është koha për debat politik, ndërsa theksoi se qeveria duhet të marrë masa për mjekët dhe duhet t’i bëjë atyre testim.

“Nuk dua të bëj asnjë aludim për debat politik, pasi sot nuk është çështje debatit mes meje dhe Ramës. Ajo që na shqetëson sot është shëndeti i shqiptarëve. Mënyra më e mirë është distancimi social, kufizimi në grup. Kjo do të vijojë të shkaktojë pasojë në ekonomi. Ajo që jemi përpjekur të bëjmë është të përpiqemi të fokusohemi në dy problemet kryesore, shëndeti i njerëzve që nis me personelin mjekësor, stafin mjekësor, gjithë punonjësit e shëndetësisë, ku siguria e tyre është kuqe. Kemi kërkuar të jenë ata përfituesit e parë të testimit të vazhdueshëm, për t?i bërë ballë kësa situate. Së dyti, masat për popullsinë në përgjithësi. Testimi, testimi, testimi për të gjithë”, u shpreh ai në një lidhje me News 24, ndërsa foli edhe për tenderin e respiratorëve.

“Sot është njoftuar më në fund një tender për respiratorët, pajisjet e nevojshme për trajtimin e këtyre pacientëve. Ka mbi 10 ditë që kanë nisur masat shtrënguese, por këto masa duhet të ishin marrë më parë”, deklaroi kryedemokrati, i cili tha se nuk do ta kritikojë këtë veprim por do ta mbështesë.

“E mbështes vendimin për tenderin, më mirë vonë sesa kurrë, e kanë sulmuar mediat se është marrë vendimi me vonesë, por unë nuk do ta sulmoj, unë e mbështes”, nënvizoi më tej Basha./ CNA.al





Lajmet e fundit nga