web counter
LEXO PA REKLAMA!

SHKARKO APP

App Store
Google Play

E fundit!

x

Rama përshëndet mjekët/ Mesazh qytetarëve: Rrogat do merren si të ishit në punë

17 Mars 2020, 18:51, Politikë CNA

Kryeministri Edi Rama ka folur lidhur me situatën në vendin tonë dhe ka falenderuar mjekët për përballjen e tyre me këtë koronavirus të ri.

Rama tha se është duke ndjekur hap pas hapi çdo veprim të tyre dhe i përshëndeti për aftësinë profesionale.

“Jam shumë i impresuar nga aftësia e tyre profesionale në një situatë që është shumë e ndërlikuar dhe patjetër nga integritetri i tyre”, u shpreh kreu i qeverisë në një intervistë për Ilva Taren në Euro News.

Duke krahasuar situatën në vendin tonë me atë në Francë, kryeministri tha se qeveria i ka kufizuar lëvizjet deri në 3 prill por theksoi se as presidenti Emmanuel Macron dhe askush nuk e di nëse kjo do duhet të zgjatet.

Ndërkohë, kreu i qeverisë deklaroi se do t’i japë çdo personi që sot po rri në shtëpi për shkak të pandemisë, të njëjtën rrogë që do t’i jepte biznesi ku punon në kushte normale.

“Shqetësimi është paga e atyre që janë në shtëpi dhe që me plot të drejtë shqetësohen, por duhet të jenë të qetë se po punojmë për të kompensuar çdo ditë të humbur nga puna njësoj si do t’i merrnin ato para po të ishin në punë”, tha Rama./ CNA.al





Lajmet e fundit nga