web counter
LEXO PA REKLAMA!

SHKARKO APP

App Store
Google Play

E fundit!

x

“Së bashku për të mbrojtur shëndetin”/ Meta takim me 4 personalitete të shquara

11 Mars 2020, 15:49, Aktualitet CNA

Presidenti, Ilir Meta, ka pritur sot katër personalitete të shquara të shëndetësisë shqiptare, me të cilët ndanë disa shqetësime për situatën e shkaktuar si pasojë e përhapjes të koronavirusit në vendin tonë.

Meta bën me dije se ?Profesor Isuf Kalo, mjeku i parë shqiptar në stafin permanent të Organizatës Botërore të Shëndetësisë në Kopenhagen, mjekët e nderuar dhe me një eksperiencë të jashtëzakonshme në sistemin shëndetësor, Fedhon Meksi dhe Andrea Gudha, si edhe ish ministri i Shëndetësisë, Tritan Shehu, më njohën me pikëpamjet e tyre shumë të vyera për tejkalimin me pasoja sa më të lehta të kësaj situate të vështirë, që në vlerësimin e përbashkët kërkon përgjegjshmëri maksimale, bashkëpunim të ngushtë dhe transparencë?.

Meta thekson se, së bashku vlerësuam punën e jashtëzakonshme të të gjithëve mjekëve, infermierëve, sanitarëve dhe personelit mbështetës, që janë duke shërbyer me profesionalizëm dhe përkushtim maksimal, duke theksuar se përfshirja e kapaciteteve të çmuara njerëzore e shkencore, edhe jashtë shërbimit aktiv shëndetësor, është hap vendimtar për suksesin e tejkalimit të kësaj sfide madhore.

?Thirrja jonë për çdo qytetar është të tregojë kujdes maksimal dhe të zbatojë me rigorozitet të gjitha këshillat dhe rekomandimet e autoriteteve!
Së bashku për të mbrojtur shëndetin e çdo qytetari?, shkruan Meta./CNA.al





Lajmet e fundit nga