web counter
LEXO PA REKLAMA!

SHKARKO APP

App Store
Google Play

“Po ripërsëritet precedenti”/ Klodiana Lala tregon detajet tronditëse, akuza të forta Sandër Lleshajt

10 Mars 2020, 07:26, Kronika CNA

Gazetarja Klodiana Lala ka bërë një denoncim të fortë në lidhje me çështjen e mësuesit Gylenis, Selami Simsek.

Në një postim në rrjetet sociale, gazetarja Lala shkruan se Selami Simsek është mbajtur për orë të tëra në një furgon tek Ministria e Brendshme.

Po ashtu Lala ngre dyshime të forta se edhe në lidhje me Selami Simsek rrezikon të përsëritet precedenti i rastit të mësuesit Harun Çelik, i cili u ekstradua drejt Turqisë.

?Selami Simsek, mësuesi gylenist turk prej orësh mbahet në një furgon tek ministria e Brendshme.

Pasi u cua me urgjencë në 3 zyra brenda pak orësh në mungesë të plotë transparence, në fund Sandër Lleshaj mbërrin në zyrën e tij në mesnatë.

Mjaft firma e tij që të ripërsëritet sërish precedenti Harun Çelik. Historinë do ua rrëfej të plotë… me prova e fakte?-shkruan Klodiana Lala në postimin e saj.

Kujtojmë këtu se, Simsek u arrestua në gusht të vitit të kaluar në aeroportin e Rinasit bashkë me mikun e tij, Harun Çelik, ( ky i fundit u depërtua në Turqi) me dyshimet se tentuan të kalonin me vizë kanadeze të falsifikuar. Simsek është mbështetës i Lëvizjes ?Gylen?, ndaj së cilës Presidenti Erdogan ka nisur një fushatë të egër përndjekjeje.

Avokati Elton Hyseni, ka bërë me dije se klienti i tij, Simsek pretendon se në rast se dëbohet drejt Turqisë, i rrezikohet jeta pasi është mbështetës i lëvizjes Gylen./ CNA.al





Lajmet e fundit nga