web counter
LEXO PA REKLAMA!

SHKARKO APP

App Store
Google Play

133 vite nga krijimi i Mësonjëtores së parë shqipe/ Si lindi festa e mësuesit dhe historia e saj

7 Mars 2020, 08:35, Sociale CNA

Sot në vendin tonë festohet 7 Marsi, e njohur ndryshe si “Dita Kombëtare e Mësuesve”.

Kjo ditë festohet në shenjë vlerësimi të traditave më të mira të shkollës kombëtare shqipe, të figurës së nderuar të mësuesit si edukator i brezit të ri.

?7 marsi?, njihet si data e krijimit të Mësonjëtores së parë Shqipe në qytetin e Korçës, e cila u çel në 7 mars në 1887 në kushtet e pushtimit otoman.

Ajo u krijua nga një grup rilindasish, ndërsa ishte e para shkollë fillore me një fizionomi të theksuar kombëtare dhe laike, ku të gjitha mësimet jepeshin në gjuhën shqipe.

Drejtues të saj ishin figura të njohura të Rilindjes shqiptare, si: Pandeli Sotiri, Petro Nini Luarasi, Nuçi Naçi, Thoma Avrami.

Mësonjëtorja e parë shqipe pati një jetë 15-vjeçare, ku përballoi pengesat dhe vështirësitë e nxjerra nga pushtuesit otomanë dhe sidomos kleri, që kërkonte ndalimin e përhapjes dhe mësimit të gjuhës shqipe. Rëndësia e krijimit të kësaj shkolle qëndron në faktin se ajo institucionalizoi mësimin e gjuhës shqipe në Shqipëri dhe krijoi një plejadë njerëzish, të cilët u bënë më vonë veprimtarë të lëvizjes për çlirim kombëtar dhe shoqëror të vendit. Në përkujtim të krijimit të Mësonjëtores së parë shqipe me vendim të Qeverisë Shqiptare në vitin 1960 u vendos që 7 Marsi të njihet si ?Dita Kombëtare e Mësuesve?.

Në këtë ditë ne të gjithë së bashku kujtojmë mësuesit tonë të parë që na mësuan shkronjat shqipe, na mësuan se si ta duam dhe ta respektojmë atdheun. Na mesuan poezite e bukura te autorve tone te mrekullushem që çdo fjalë e varg i saj të mbetet e të ngulitet thellë në mendjet tona.

Mësuesit shqiptarë në çdo kohë e në çdo krahine, kane qene jo thjeshte profesioniste te arsimit, por ne rradhe te parë ishin njerez te emancipuar, humanë dhe artistë të fushave të ndryshme.

7 Marsi, Dita e Mësuesit, shënohet si një ngjarje me rëndësi kulturore në gjithë vendin. Gëzuar festën tuaj mësues të nderuar e të respektuar!/CNA.al





Lajmet e fundit nga