web counter
LEXO PA REKLAMA!

SHKARKO APP

App Store
Google Play

“Kërcënimi” për shpërndarjen e Parlamentit/ Nano tregon se pse do të “smbrapset” Meta

6 Mars 2020, 19:24, Politikë CNA

Analisti Mustafa Nano i ftuar në studion e lajmeve në TemA TV ka komentuar paralajmërimin e presidentit Meta për shpërndarjen e Parlamentit me 15 mars.

Sipas Nanos, Meta do të smbrapset nga vendimi i tij, pasi kjo është një shkelje e rëndë e Kushtetutës dhe Meta nuk rrezikon shumë për vete.

Ndërkaq, ai ka folur dhe për qëndrimin e ambasadores Yuri Kim lidhur me përdorimin e flamurit amerikan në protestën e thirrur nga presidenti Meta tri ditë më parë.

Sipas Nanos fakti që Ambasada amerikane reagon për herë të parë, pavarësisht se flamuri amerikan është shpalosur edhe më parë në protesta, flet shumë.

?Më befasoi, sepse valëvitja e flamurit amerikan ka qenë rutinë në protesta. Nuk ka pasur asnjë reagim. Fakti që ka reagim është domethënës, përcjell një sinjal dhe i thotë Ilir Metës dhe atyre që e mbështesin, kjo është beteja juaj, po ne nuk na keni me vete. Këtë pyetje duhet të bëjë opozita: Pse faktori ndërkombëtar nuk po na mbështet?

Unë nuk e di, në politikën shqiptare çfarë nuk ndodh. Nuk besoj se janë në proces negociata që ne nuk i shohim. Negociata mes Ramës dhe Metës, një spekulim që nuk qëndron.

Premtimi solemn i Metës për të bërë diçka të paimagjinueshme më 15 mars është një vepër penale. Pra, që unë do të hyj me popullin në Parlament.

Nuk besoj se do ta bëjë sepse rrezikon shumë për vete. Nuk ka për të bërë as tjetrën: pra shpërndarjen e Parlamentit dhe shpalljen e zgjedhjeve të parakohshme. Nuk është kompetencë e tij. Kjo do të ishte një shkelje e rëndë e Kushtetutës.

Ka politikanë që kanë pasuri përrallore sot, kjo sepse kanë abuzuar me pushtetin. Këta u dashka të bëjmë sikur s?i shohim?

Më duket pak lojë e pandershme që me kriminalizimin synohet të kryqëzohen njerëz që nuk kanë asnjë peshë në këtë vend?, tha ai./CNA.al

 





Lajmet e fundit nga