web counter
LEXO PA REKLAMA!

SHKARKO APP

App Store
Google Play

E fundit!

x

Shpërdoroi detyrën / SHÇBA pezullon punonjësen e Policisë Kufitare në Korçë

5 Mars 2020, 17:48, Kronika CNA

SHÇBA ka pezulluar nga detyra një punonjëse të Policisë Kufitare Korçë të dyshuar për ?Shpërdorim detyre”.

Bëhet fjalë për punonjësen me inicale F.Z., me detyrë ndihmës kontrollore në Pikën Kalimit Kufitar Kapshticë, ndaj së cilës Gjykata e Rrethit Gjyqësor Korçë, ka caktuar masën e sigurimit personal ?Pezullim i ushtrimit të një detyre a shërbimi publik”.

Ajo akuzohet për kryerjen e veprës penale ?Shpërdorimi i detyrës?. Pezullimi nga detyra është kryer pas një hetimi disa mujor të kryer nga SHÇBA në bashkëpunim me Prokurorinë e Rrethit Gjyqësor Korçë.

Gjatë hetimeve të zhvilluara u arrit të dokumentohet veprimtaria e paligjshme e kryer nga punonjësja, e cila në shpërdorim të funksionit që mbante si ndihmës kontrollore pranë PKK-së Kapshticë, ka kryer në vazhdimësi regjistrime fiktive në sistemin TIMS të personave të ndryshëm, për shmangien e tejkalimit të afateve të qëndrimit në zonën Shengen.

Hetimet vazhdojnë me qëllim verifikimin e punonjësve të tjerë, që dyshohen si të përfshirë në këtë veprimtari të kundraligjshme./ CNA.al





Lajmet e fundit nga