E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rudina Hajdari ngre tonet në parlament/ Ne nuk tërhiqemi, ky është misioni ynë

5 Mars 2020, 09:23, Politikë CNA

Deputetja demokrate, Rudina Hajdari nga foltorja e Kuvendit, ka theksuar se nuk do të tërhiqet nga rruga europiane e Shqipërisë, gjë të cilën e cilëson mision të filluar prej 30 vitesh.

?Ne do ta fusim Shqipërinë në BE. Ne nuk do të reshtim për këtë luftë për të rinjtë tanë. Nuk do të reshtim për këtë mision të filluar 30 vite më parë. Ky është misioni ynë, për ta çuar këtë vend përpara?-tha Rudina Hajdari.

Po ashtu, deputetja Rudina Hajdari ka kritikuar klasën politike, të cilët i etiketoi si pazarxhinj të vjetër të politikës që punojnë vetëm për interesa të tyre. Hajdari tha se sa herë vendi është në prag të integrimit europian, ky grup politikanësh orkestrojnë krizën e radhës, për të mbajtur peng këtë proces.

?Unë mendoj se në Këshillin Kombëtar të Integrimit, politikanët duhet më shumë të degjojnë dhe të marrin mend nga sygjerimet e shoqerisë. Në këtë drejtim duke marr shkas nga raporti vjetor, mendoj se ky këshill duhet të jetë më pak burokratik e më cilësor.

Roli i Këshillit të Integrimit Europian, bëhet më i rëndësishëm nëse brenda samitit të Zagrebit hapen negociatat, ndaj edhe parlamenti duhet te ushtrojë një rol më mbikëqyrës. E vërteta është ndryshe. Cfarë ndodh sot? Pazarxhijntë e politikës sonë orkestrojnë krizën e radhës. Duke na turpëruar para partnerëve ndërkombëtarë. Luajnë ping pong me fatin tonë, që të mbrojnë interesat e tyre personale, që të mbrojnë veten e tyre..

Nëse duam të kuptojmë cfarë duam nga integrimi, duhet t?i drejtohemi të rinjve. Ata duan punësim shpresë mirëqënie, por kjo nuk po ndodh. Nuk mund të ndodhë nëse nuk bashkohemi për të ndëshkuar krimin politik, korrupsionin, të ndëshkojmë këta njerëz që mbajnë peng integrimin. Duhet të kërkojmë largimin e tyre dhe t?i hapim rrugë vetes. Ajo që po bën sot politika i tejkalon përmasat e një krimi kombëtar.?-tha Rudina Hajdari./ CNA.al