E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Fatmir Xhafaj thyen heshtjen/ Flet për përndjekjen e familjes dhe çështjen “Babale”

4 Mars 2020, 14:16, Politikë CNA

Ish ministri i Brendshëm, Fatmir Xhafaj, ka thyer heshtjen e gjatë duke dhënë një intervistë të zgjeruar lidhur me çështjen ?Babale?, ngjarje kjo e cila lakoi vëllain e tij Agron Xhafaj.

Në një intervistë për gazetën ?Dita?, ndërsa flet në lidhje me çështjen ?Babale?, Fatmir Xhafaj tha se gjithçka ka nisur mbi të dhëna false, dhe gënjeshtra politike.

?Gjithçka nisi mbi të dhëna false, vijoi të shfrytëzohet politikisht nga njerëz fals dhe u besua po nga ata individë fals që e krijuan atë. Të jem i sinqertë edhe pas vendimit sërish nuk jam krejtësisht i qetë, pasi fatkeqësisht kuptoj se kur një grusht gënjeshtrash politike depërtojnë në jetën e një ligjvënësi dhe për më tepër në funksionin e ministrit të Brendshëm, imagjino se çfarë ka ndodhur me qytetarët e zakonshëm të cilët shpeshherë ndeshen me pasojat që prodhon politika e baltës, shpifjeve e fyerjeve.

Që në datën 14 maj 2018 ne kemi këmbëngulur në pavërtetësinë e atij audio-regjistrimi montazh dhe kemi kërkuar që kjo të çertifikohet ligjërisht dhe të ndëshkohet. Ndëshkimi apo edhe burgimi i personave fajtorë nuk është ajo që çliron shpirtin tonë në këtë rast, por çdo ndëshkim ka vlerën e vet edukuese dhe shpresoj që edhe me kaq procesi ta ketë bërë punën e tij, të ketë dhënë mesazhet e duhura njerëzore dhe politike.?-tha Fatmir Xhafaj.

Po ashtu ai ka thënë se vëllai i tij është përdorur oër ta goditur atë si drejtues të Reformës në Drejtësi.

?Vëllai im dhe historia e tij, u përdor për qëllimin e vërtetë të këtij sulmi ? goditjen ndaj meje si drejtuesi i reformës në drejtësi dhe si ministër i Brendshëm. E bën të dhimbshëm, të pamoralshëm dhe të pisët këtë proces, fakti që për të shkatërruar imazhin e kundërshtarit tënd politik, për ta shantazhuar atë në funksionin e tij shtetëror, angazhohen përmes fabrikimit të provave të rreme strukturat e një partie politike që synon të qeverisë vendin.?-tha Fatmir Xhafaj.

Po ashtu ai ka thënë se ai dhe familjarët e tij janë përndjekur për një periudhë të gjatë, ndërsa më pas është inskenuar një skenar i tillë.

?Sipas disa të dhënave që kam pasur, më rezultonte se prej disa kohësh disa individë dhe segmente të caktuara, po përpiqeshin të inskenonin ngjarje e situata që të më kompromentonin mua më së pari. Mbasi kërkuan rreth meje dhe nuk gjetën gjë, si ?urithi? tentuan të përndjekin familjarët e mi, tek të cilët gjithashtu nuk arritën të gjenin ndonjë provë kompromentuese. Madje mund t?ju them se ka pasur edhe individë që kanë dashur t?i komprometojnë të afërmit e mi, të cilët falë zotit ju kanë rezistuar tundimeve. E kur nuk arritën gjë, e sajuan një të tillë.?-është shprehur Fatmir Xhafaj./ CNA.al