E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Erdhi koha për llogari”/ Presidenca-Gjonajt: Moj shoqe e vërtetë Rilindase, trego shokët

27 Shkurt 2020, 16:52, Politikë CNA

Zëdhënësi i presidentit Ilir Meta, Tedi Blushi, ka reaguar pas deklaratave të ministres së Drejtësisë, Etilda Gjonaj.

Blushi deklaron se me qetësi dhe drejtësi, ka ardhur koha për llogari. Zëdhënësi tregon se Meta ka kallëzuar penalisht Gjonajn për konsumim të akuzës” Shpërdorim detyre?, ?Ushtrimi i ndikimit të paligjshëm ndaj personave që ushtrojnë funksione publike?, ?Falsifikim dokumentash? dhe ?Përvetësim i titullit apo detyrës shtetërore?.

Ai pretendon se, me deklaratën e sotme, ministrja nuk dha asnjë shpjegim për shkeljet e ligjit dhe pranoi tërësisht fajësinë për të gjitha veprat penale, për të cilat është akuzuar.

?Shoqja Etilda nuk mundi të arsyetonte dot, se cila qe baza ligjore që e autorizon apo i jep të drejtë Ministrisë së Drejtësisë të kërkojë apo të urdhërojë botimin në Fletoren Zyrtare të një akti që nuk ishte nxjerrë prej institucionit të saj! Shoqja Etilda, nuk i dha përgjigje pyetjes, cila është ajo dispozitë e Kushtetutës dhe e Ligjit që lejon botimin në Fletoren Zyrtare të akteve të Këshillit të Emërimeve në Drejtësi.

Shoqja Etilda, para se të përmendë në mekje e sipër nenet 3 dhe 4 të ligjit nr. 78/2014 ?Për Qendrën e Botimeve Zyrtare?, bën mirë t`i lexojë më parë vetë. (Lexoji mirë nenet e mëposhtme). Pra shoqja Etilda, vërtet ka dashur të bëjë publik sipas porosisë së shefit së saj, një akt të KED-së në Fletoren Zyrtare, po ka harruar të lexojë të gjithë ligjin, ku sanksionohen se në Fletoren Zyrtare botohen vetëm ato akte që përcakton Kushtetuta dhe ligji?, shkruan ai në rrjetet sociale, ndërsa ka publikuar edhe disa nene.

Sipas tij, ky vendim i KED-së, nuk lejohet të botohet në Fletore Zyrtare.

?Shoqes Etilda, bashkë me deklaratën që i dhanë të lexonte, duhet t`i kishin dhënë edhe nenin 232, të ligjit nr. 115/2016, ?Për organet e qeverisjes së sistemit të drejtësisë?, që përcakton se ku botohen aktet e KED për renditjen e kandidatëve. Shoqja Etilda, anashkaloi sqarimin për falsifikimin e dokumenteve shtetërore, kur vet Kuvendi i Shqipërisë, nuk i kishte kërkuar botimin në Fletore Zyrtare.

Dita e shtunë e datës 9 nëntor 2019, kur shoqja Etilda dhe celula mafioze në Ministrinë e Drejtësisë, ka dalë në punë, është një prej elementëve që provon anën subjektive të konsumimit me nxitim dhe dashje të veprave penale, ndikimit të paligjshëm, falsifikimit, dhe shpërdorimit të detyrës. Sa për hapjen e negociatave me BE-në, duhet ta dish se Kryekushti do të jetë hetimi dhe ndëshkimi i krimit Kushtetutes që keni bërë ju si grup i strukturar kriminal.?, deklaron Blushi më tej.

Zëdhënësi i Metës pyet Gjonajn, të cilën e quan shoqe të vërtetë Rilindase, se përse u lodh aq shumë, për të mos thënë asgjë, ndërsa i kërkon të tregojë shokët./ CNA.al