web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutoi me armë zjarri motër e vëlla/ RENEA dhe FNSH në kërkim të autorit, policia vë në dispozicion 5 milion lekë

26 Shkurt 2020, 07:42, Kronika CNA

Policia e Lezhës bën të ditur se po vijon krehja e zonës për lokalizimin, kapjen dhe arrestimin e autorit të dyshuar të vrasjes së dyfishtë të ndodhur mbrëmjen e djeshme, në Kodër Rrëshen.

Mësohet se forcat RENEA, FNSH dhe strukturat e Drejtorisë Vendore të Policisë Lezhë kanë vijuar pa ndërprerë kontrollin e territorit dhe të vendeve të dyshuara ku mund të fshihej autori i dyshuar i ngjarjes, Fatmir Kolecaj 47 vjeç.

Ky i fundit akuzohet se ekzekutoi me armë zjarri në oborrin e shtëpisë, ish-bashkëshorten Esmeralda Filopati, 36 vjeçe, dhe vëllain e saj Vledison Filopati, 34 vjeç.

?Ndërkohë, grupi hetimor, nën drejtimin e prokurorisë ka kryer të gjitha veprimet procedurale dhe dokumentimin e ngjarjes.

Për të bërë të mundur kapjen sa më parë të autorit të dyshuar të kësaj ngjarjeje, Drejtoria Vendore e Policisë Lezhë vë në dispozicion 5 milion lekë për këdo që jep informacion të saktë mbi vendndodhjen e autorit.

Cilido që disponon informacion të vlefshëm për autorin e dyshuar, shtetasin Fatmir Kolecaj, 47 vjeç, banues në fshatin Zejmen, Lezhë, të telefonojnë në numrin 069 41 06 449 dhe në numrin pa pagesë 112 apo në Komisariatin Dixhital, duke i siguruar anonimat të plotë dhe të sigurt.?-thuhet në njoftimin e policisë.





Lajmet e fundit nga