web counter
LEXO PA REKLAMA!

SHKARKO APP

App Store
Google Play

E fundit!

x

“Kërkon të trembë politikën amerikane”/ Paralajmërimi i Ngjelës: Meta është në fundin e tij politik

25 Shkurt 2020, 14:38, Politikë CNA

Avokati Spartak Ngjela thotë se presidenti Ilir Meta po kërkon të trembë politikën amerikane që kjo të ndalojë operacionin antikorrupsion në Shqipëri.

Sipas Ngjelës, shqiptarët po presin me padurim që, në trupin e shtetit të tyre të korruptuar të fillojë operacioni kirurgjikal për pastrimin e infeksionit njëqindvjeçar.

Në një postim në rrjetet sociale, Ngjela shkruan se Meta nuk ka më të ardhme politike, le të bëjë çfarë të dojë!

“Në Shqipëri është bërë grusht shteti”, thotë Meta. Por, Shqipëria është shtet i NATO-s: na ka thënë gjë Brukseli dhe Uashingtoni për këtë lloj grushti? Asgjë. Po shkarkimi i Metës, grusht shteti është? Çdo shkarkim me vota në një parlament, është i ligjshëm. Kjo është demokracia
Prandaj, të gjithë sot po tallen me një president shqiptar që kërkon të trembë Uashingtonin pa ushtri, por vetëm me ca hajdutë që i vinë qark. “Do shpërndaj Parlamentin”, sokëllin Meta nepër korridore, kurse pyetja që i drejtohet atij në këtë rast është kjo: ku i ke tanket, zoti Meta? Parlamenti shpërndahet ose në funksion të votës, ose me tanke, dhe jo me letra. Por, tanket në Shqipëri drejtohen nga NATO. E di këtë, ti zoti Meta?! Prandaj, pikërisht për këtë, po tallen me Metën institucionet ndërkombëtare që mbikëqyrin Shqipërinë?, shkruan Ngjela.

Sipas tij, Meta është në fundin e tij politik.

?Fundi i Metës, është gëzimi i shqiptarëve dhe fillimi i Shqipërisë së re.
Po të tjerët? Ata vijnë më pas, me radhë…?, përfundon Ngjela./CNA.al





Lajmet e fundit nga