E fundit!

19:13 Aktualitet

Jorida Tabakun e merr malli për Erion Veliajn

Deputetja e Partisë Demokratike, Jorida Tabaku duket se e ...

Dokumentet/ Të gjithë oligarkët paguajnë kunatin e Bashës

25 Shkurt 2020, 13:28, Politikë CNA

Hipokrizia dhe gënjeshtrat politike të Lulzim Bashës nuk i përbëjnë më përshtypje askujt. Tashmë CNA.al ka treguar me fakte konkrete, rast pas rasti, sesi gënjen publikisht dhe sesi e përdor propagandën për show Lulzim Basha. Duke gënjyer shqiptarët, duke u tallur me ta, me hallet dhe me problemet e tyre.

Sot neë po tregojmë sërish për të disatën herë me fakte, të vërteten e Lulzim Bashës dhe të familjarëve të tij, të cilët paguhen nga “oligarkët”.

Lulzim Basha del në ekran, flet për “oligarkët”, vetëm kur ka hall dhe kur e urdhërojnë familjarët e tij, për interesat e tij krejtësisht personale dhe private.

Më poshtë do të shikoni një listë faturash që CNA.al ka siguruar nga burime zyrtare, pra në tatime. Dokumentet tregojnë se kush janë punëdhënësit më të mëdhenj për “Landmark Communication”, kompania e kunatit të Lulzim Bashës, e cila ka filluar aktivitetin në vitin 2012 dhe në vitin 2019 ka arritur kulmin me gati 2.4 miliard lekë xhiro.

Milionat e dollarëve dhe miliardat e lekëve duket se nuk janë problem për Lulzim Bashën, pasi një pasuri të tillë marramendësi ai e ka edhe vetë. Por, kur ai flet në publik për oligarkët dhe bizneset që paguajnë tek kompania e kunatit të tij, që drejtohet nga bashkëshortja e Lulzim Bashës, e cila është 24 orë prezente në “Landmark Communication”, tregon në fakt se kush është kreu i Republikës së re.

Erion Isufi, kunati i Lulzim Bashës, pronari i “Landmark Communication”, vitin e kaluar ka bërë një rekord historik në xhiron e kompanisë së tij dhe gjithçka duket qartë në listpagesat e mëposhtme.

Ata që Lulzim Basha i quan ?oligarkë?, janë pagatorët e tij më të mëdhenj. Me emra nga i pari tek i fundit. Ata që sulmon ndonjëherë në konferenca shtypi dhe ua harron shpejt emrin. Ashtu si në rastin e Rrugës së Kombit, kur gjoja iu ?dogj barku? për kuksianët që protestuan dhe më pas ata i la në rrugë, ndërsa tani shkon dhe iu thotë që do të anullojë koncesionin.

Ashtu siç ndodhi me ligjin e Arsimit të Lartë, për të cilin tha se do ta çonte në Gjykatën Kushtetuese, dhe nuk e dërgoi kurrë. Dhe tashmë faktet dihen. Ai premton se do ta anullojë ligjin në fjalë.

Më tej janë edhe disa media, për të cilat kohët e fundit Lulzim Basha nuk ka thënë asnjë fjalë.

Edhe pse CNA.al ka treguar me fakte dhe dokumente ekskluzive lidhjet e konçesioneve të qeverisë dhe oligarkëve me televizione private, Lulzim Basha hesht. Edhe pse është një fakt i vërtetuar me dokumente, sesi paratë nga qeveria, paratë e taksave të shqiptarëve shkojnë tek kompanitë koncesionare dhe më pas ato shkojnë në kompani dytësore të pronarëve të televizioneve.

Nga ana tjetër, është po ky Lulzim Bashë, i cili i përmend ?oligarkët? sipas interesave të tij, siç ndodhi me Agron Papulin dhe vilat e tij luksoze në kompleksin ?Long Hill?.

Më tej, po sjellim me fakte dhe detaje, faturat me emrat konkretë, se kush janë personat kryesorë të cilët kryejnë punime dhe iu priten fatura nga Landmark Communitacion, për ta kuptuar lidhjen e Lulzim Bashës me ?oligarkët?, nëpërmjet familjarëve të tij./ CNA.al