web counter
LEXO PA REKLAMA!

SHKARKO APP

App Store
Google Play

Protesta e 2 marsit/ Ish deputeti i LSI: Parlamenti duhet t'i kthehet qytetarëve

20 Shkurt 2020, 16:10, Politikë CNA

Ish deputeti i LSI-së, Endrit Brahimllari i ftuar në ’45 minuta’, teksa ka folur për protestën e 2 marsit të thirrur nga presidenti Meta, u shpreh se opozita e bashkuar do të dal me një qëndrim të unifikuar nëse do të jetë e pranishëm apo jo në ditët në vijim.

Por ai theksoi se ‘ai do të jetë atje si qytetar’, pavarësisht vendimit të opozitës së bashkuar.

‘Unë si qytetar i këtij vendi do të jem atje në mbrojtje të shtetit të së drejtës dhe kushtetutës së republikës. Opozita e bashkuar do mbajë një qëndrim për këtë çështje, do jetë i përbashkët. Unë do jem atje bashkë me familjen time. Hitleri nuk bëri ndonjë gjë më shumë seç po bën Edi Rama tani, janë në të njëjtën fazë. Është grusht shteti institucional që po bëhet në republikën e Shqipërisë’, tha Brahimllari

Edhe për ish deputetin e LSI-së mazhoranca po kryen një grusht shteti duke kapur institucionet, ndërsa theksoi se Kuvendi, që sipas tij është ilegjitim, duhet t’i rikthehet qytetarëve.

‘Unë nuk di çfarë do ndodhë në 2 mars, por kryeministria dhe parlamenti duhet t’i kthehen qytetarëve sepse janë institucione ilegjitimë. Është diskutuar mbi hapat që ka marrë kjo mazhorancë për të kapur dhe faktet se si është kapur gjithë sistemi i drejtësisë, dhe si po tentohet të kapet presidenca, me mënyrën e veprimit të KED në kundërshtim me ligjin. Është sqaruar dhe është bërë e qartë situata mbi këto fakte. Do ketë një vendimmarrje por 2 marsi është pjesëmarrje qytetare, që buron nga e drejta e funksionimit e shtetit të së drejtës. Qytetarët do të jenë masivisht pjesëmarrës sepse të gjithë kërkojnë drejtësi, dhe institucione të pavarura’, tha Brahimllari./CNA.al

 





11:08 Politikë

Luli, mos fol ti

Prej më shumë se një jave, CNA.al vijon publikimin e detajev...

09:38 Politikë

Pse në 2 Mars?

Ka disa që po pyesin pse Presidenti e caktoi thirrjen e popu...

Lajmet e fundit nga