web counter
LEXO PA REKLAMA!

SHKARKO APP

E fundit!

x

Lajmet për vdekjen e Kacifas/ Prokuroria e Gjirokastrës: Nuk i kemi mbyllur ende hetimet

15 Shkurt 2020, 15:59, Kronika CNA

Në media u publikua sot lajmi se minoritari grek Kostandin Kacifas, që mbeti viktimë më 28 tetor të 2018-ës, nuk është vrarë nga forcat RENEA, por ka kryer vetëvrasje.

Pas kësaj, ka reaguar Prokuroria e Gjirokastrës, e cila nënvizon se ende nuk kanë dalë në një konkluzion përfundimtar lidhur me ngjarjen.

“Në Prokurorinë pranë Gjykatës së Shkallës së Parë Gjirokastër, është regjistruar procedimi penal nr. 824  në datën 24.12.2019, pas transferimit të akteve nga Prokuroria pranë Gjykatës së Shkallës së Parë për Krimet e Rënda. Ky procedim penal bën fjalë për ngjarjen ku ka humbur jetën shtetasi Kostandinos Kaçifas. Ky procedim penal vazhdon të ndodhet në fazën e hetimeve paraprake dhe nga ana jonë nuk është arritur në asnjë konkluzion në lidhje me zgjidhjen e çështjes. Kjo çështje penale është regjistruar për veprat e parashikuara nga nenet 79/dhe 22, 278/1 e 76 të K.Penal?, thuhet në deklaratë.

Më tej, Prokuroria thekson se do të kryejë hetimin me objektivitet e paanësi dhe do të parashtrojë zgjidhjen e drejtë të kësaj çështjeje penale./ CNA.al





Lajmet e fundit nga