web counter
LEXO PA REKLAMA!

SHKARKO APP

App Store
Google Play

Kryemadhi e pranon/ “Kemi faj për largimin e shqiptarëve”

15 Shkurt 2020, 16:28, Politikë CNA

Kryetarja e LSI-së, Monika Kryemadhi ka pranuar fajin e opozitës gjatë një takimi me strukturat në Fier.

Kryemadhi deklaroi se fajtori kryesor për largimin e të rinjve është kryeministri Edi Rama, por nuk anashkaloi as opozitën.

Aleatja e Lulzim Bashës tha se opozita është treguar indiferente dhe nuk i ka ushtruar mjaftueshëm presion kryeministrit për premtimet e pambajtura dhe sipas saj kjo ka sjellë largimin e shqiptarëve.

“Shkuam në SHBA, takuam disa të rinj që po shkolloheshin por kishin vetëm një merak që të ktheheshin në Shqipëri. Por ama nëse do të martoheshin aty, ata premtuan se nuk do të ktheheshin pasi donin shkollim dhe shërbime të njëjta në Shqipëri si në SHBA.

Ata fajësonin politikën për largimin e shqiptarëve. Kemi faj ne që nuk i kemi kujtuar Ramës 300 mijë vendet e punës, por mbylli qindra dyer shtëpisë që ikën në emigracion. Mbyllën biznese, pagat e shqiptarëve i la në vend, por rriti çmimin dhe kostot e jetës. Para 6 vjetësh, energjia elektrike të njëjtën sasi e paguan dyfish. Të gjitha këto janë një mungesë e vëmendjes që ne kemi treguar ndaj Ramës, mungesë indiferencë ndaj Ramës, vrasës i punësimit të të rinjve në Shqipëri”, tha Kryemadhi./ CNA.al





Lajmet e fundit nga