web counter
LEXO PA REKLAMA!

SHKARKO APP

App Store
Google Play

“Uroj shumë të ketë zgjedhje të parakohshme”/ Basha tregon kërkesat e opozitës

6 Shkurt 2020, 19:09, Politikë CNA

Kreu i opozitës Lulzim Basha tha se uron shumë që të ketë zgjedhje të parakohshme, ndërsa kërkoi që në zgjedhjet e ardhshme të bëhen me votim elektronik.

Gjatë një videolive në Facebook, Basha u pyet se kur do të bëhen zgjedhje, por ai preferoi të mos japë një datë.

?Uroj shumë, këto janë tre kërkesat kryesore që kemi. Së pari vendit t?i jepet mundësia për zgjedhje të parakohshme, së dyti që ky proces të garantohet dhe rregullat e lojës të jenë të barabarta për të gjithë dhe së treti këto rregulla të zbatohen. Për këtë arsye ne i qëndrojmë pikë për pikë kërkesave që kemi paraqitur në 16 shkurtin e vitit të kaluar, zgjedhje të parakohshme me një qeveri tranzitore?, u shpreh ai.

Por qytetarët insistuan të dinë se kur do të zhvillohen zgjedhjet dhe Basha tha se është i gatshëm të zhvillojë zgjedhje që nesër, por theksoi se nuk e di sa të gatshëm janë qytetarët.

Mët tej ai foli edhe për kërkesat e opozitës, ku primaren cilësoi mosvjedhjen e votës.

?Po dëgjoni shpesh, që njerëzit më problematikë, që janë kapur duke vjedhur zgjedhjet, duke blerë vota me krimin e organizuar, na japin leksione mençurie çfarë do të bëjmë me zgjedhjet. Çfarë do të bëjmë me zgjedhjet? Mos vidh! Ju jeni hajdutët e zgjedhjeve, mos i vidhni zgjedhjet! Nuk është çështje dëshire për t?i besuar dikujt që ka vjedhur jo një, jo dy, por tre palë zgjedhje, edhe një palë zgjedhje pa kunërshtarë, siç ishte 30 qershori. Prandaj, qeveria tranzitore është një garanci?, nënvizoi ai./ CNA.al





Lajmet e fundit nga