web counter
LEXO PA REKLAMA!

SHKARKO APP

App Store
Google Play

Mashtrimi i Bashës/ Kush është “qytetari i shqetësuar” për programin e PD, nënkryetar i demokratëve në Kolonjë

6 Shkurt 2020, 18:10, Politikë CNA

Ashtu siç paralajmëroi edhe më parë CNA.al, videolive e kryetarit të opozitës Lulzim Basha në rrjetin facebook, po bëhet për të përmirësuar imazhin e tij.

Kuruesit e imazhit të Bashës urdhëruan militantët e opozitës ta ndjekin live dhe të angazhohen maksimalisht dhe kjo vërtetohet më së miri nga pyetjet që i janë drejtuar.

Njëri prej personave i shtirur si qytetarë i shqetësuar është Fatmir Ali Guda, i cili pyet shefin e tij se çfarë do të bëhet me Reformën Territoriale, pasi PD të vijë në pushtet, gjë që duket se është larg me Bashën në krye.

“Z. Basha, çfarë qëndrimi kini sot pas 4 vitesh për reformën territoriale, e bërë në mënyrë të njëanshme nga “rilindja”? A është në axhendën tuaj politike rindarja territoriale?? Nëse po, kur dhe në ç’mënyrë kini menduar ta hartoni një reformë territoriale që ofron demokraci lokale dhe t’i qëndrojë sfidave të së ardhmes???”, shkruan ai.

Por le të shikojmë se kush është ky qytetar i ?shqetësuar? që kërkon të dijë axhendën e opozitës?

Fatmir Guda është pjesë e demokratëve që udhëheq Lulzim Basha, pasi aktualisht mban postin e nënkryetarit të PD-së në Kolonjë. Gjatë kohës kur ka qeverisur PD Guda ka qenë kryetar bashkie në Leskovik, ndërkohë që në zgjedhjet parlamentare të vitit 2017 kandidoi për të qenë deputet i qarkut të Korçës.

Gjithashtu Fatmir Guda përkrahu edhe djegien e mandateve të opozitës, pasi në mars të 2019-ës refuzoi të marrë mandatin e deputetit./ CNA.al

Basha përpjekje të dëshpëruar për vëmendje/ Detyron militantët ta ndjekin live në Facebook





Lajmet e fundit nga