web counter
LEXO PA REKLAMA!

SHKARKO APP

App Store
Google Play

Përçarje dhe grupime brenda PS?/ Felaj: Kush ka dashur këtë, s'është më pjesë e partisë

6 Shkurt 2020, 17:13, Politikë CNA

Mbledhja e Komisionit të Ligjeve ku u miratuan sot dy ndryshime ligjore për Reformën në Drejtësi, u shoqërua me debate e kritika nga socialistët Fatmir Xhafaj dhe Bashkim Fino.

Fino tha se reforma nuk mund të arnohet here pas here, ndërsa Xhafaj ishte kritik ndaj Kryeministrit Edi Rama për nismën Anti-KÇK.

Por kjo nuk është hera e parë që kritikohet një nismë e qeverisë nga vetë socialistëve, duke krijuar përshtypjen e përplasjeve brenda PS dhe për këtë ka folur edhe kryetarja e Komisionit të Sigurisë Ermonela Felaj.

Ajo tha se këto përplasje janë treguese se brenda PS-së nuk ka “ushtarë të bindur”, teksa mohoi të ketë “përçarje” apo grupime brenda socialistëve.

“Kjo vërteton faktin që ne në grupimin tonë nuk jemi ushtarë. I kemi respektuar bindjen e gjithsecilit, profesionalizmit për të mos thënë që shpesh këto backgrounde kanë shërbyer edhe si pjesa që ka siguruar udhëheqjen ose drejtimin për marrjen e vendimeve të caktuara. Një gjë pozitive, debati na bën veçse mirë. Nëse ka debat po bëhet më e mira në tekstin e dispozitës ligjore që po diskutohet apo miratohet. Debat i nisur nga vullnet i mirë. Grupime e brenda PS nuk ka, kush do që ka dashur një grupim nuk është pjesë e PS-së. Këto i kemi të shprehura si pjesë e statutit të PS-së”, deklaroi Felaj në Report Tv./ CNA.al





Lajmet e fundit nga