E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

“Pas Ermalit dhe Besit, Rama realizoi filmin OFL”/ Artan Hoxha kritika ndaj Anti-KÇK

4 Shkurt 2020, 14:25, Kronika CNA

Gazetari Artan Hoxha nuk ndal ironinë dhe kritikat ndaj Operacionit Forca e Ligjit, OFL.

Sipas Hoxhës, meqë Ermal Mamaqi bëri filmin ?I Love Tropoja? dhe Bes Kallaku ?Falco?, edhe kryeministri Edi Rama vendosi të realizojë një film OFL me bjonde me syze, polic me maska, KCK-era.

?Skenari, regjia, ideja, autorësia, producent dhe realizimi nën kujdesin direkt të kryeministrit të Shqipërisë, sigurisht sponsorizimi me paratë e taksapaguesve shqiptarë…
Seria e pare: Imazhi fantastik. Kamera shkëlqyeshëm. Forca speciale OFL të trajnuara për muaj të tërë për të luftuar boset e krimit, të veshur me gusto krejt ndryshe nga Policia e Shtetit (forca policore që siguron rendin dhe jetët tona çdo ditë) të armatosur nga koka deri në këmbë me armatim modern, me syze dhe maska bashkë. Trupa që hapen në pozicion taktik luftimi, me armë të fjalës së fundit në vijë shënimi për të asgjësuar çdo kënd brenda gardhit të një resorti luksoz që e ka marrë vesh edhe çakalli më i fundit në Myzeqe apo rreqebulli i ngjitur në bredhin me të lartë në Alpe, se aty prej ditësh jo vetëm nuk ndodhet askush, por nuk peptin as miza. Një objekt që e ka bastisur pak ditë me parë RENEA, FNSH, Policia e Durresit, madje dhe ekspertet e policisë shkencore?, shkruan Hoxha.

Sipas tij, duket qartë që regjizori është kujdesur më shumë për imazhin sesa për qëllimin e vërtetë të aksionit të parë të OFL-së.

Hoxha thotë se operacion që duhej të ishte patjetër një goditje e fortë dhe me mesazh të qartë në luftën kundër krimit, që të ngjallte optimizem dhe besim të publiku.

?Minimalisht mund të ishte inskenuar një aksion bastisje në baza te supozuara ku dyshohej se fshihej Altin Hajri, truri i grupit me të njëjtin emër dhe pronari i resortit luksoz ku u zhduk kufoma e Jan Prenges, i cili është në arrati dhe i pakapur nga drejtesia.
Por në fakt u bë gabimi me i trash i mundshem, u përzgjodh si shesh xhirimi një resort i bastisur deri në vrimën e miut nga policia dhe i braktisur prej ditësh nga të zotët, që ne mos janë në burg, ndodhen ne arrati. Nje inspektor policie, nga ata që mbulojnë fshatrat në Drejtorinë e Durresit, me telefoni duke me thënë: ?Kot e bënë gjithë atë berihaje shefat lartë, harxhuan gjithë ate karburant, mjete levizese, dislokim trupash dhe orë pune, për një veprim që mund të bëja vetëm unë dhe një oficer OPGJ(oficer i policise gjyqesore)?, shkruan mes të tjeraesh gazetari.

Mes ironisë ai shprehet se duhet të presim mos e rregullojnë pak dorën tek seria e dyte.

?Dhe në fund, suksese dhe respekt për ata djem që mbajnë veshur uniformat e OFL-se. Çdo polic i Republikes së Shqipërisë do të donte te ishte i veshur me ate uniformë dhe me ato paisje taktike.
Ata thjesht bëjnë detyren, zbatojnë urdhërin që u vjen nga lart, dhe kanë në dorë vetëm performancën në terren.
Spektakli nuk është as ideja dhe as dëshira e tyre. Për atë mban përgjegjësi tjetërkush?m përfundon Hoxha./CNA.al