web counter
LEXO PA REKLAMA!

SHKARKO APP

E fundit!

x

I arrestuari zbërthen ngjarjen/ Zbulon ku e çoi trupin e pajetë të Jan Prengës

3 Shkurt 2020, 21:41, Kronika CNA

Festim Bexhdili, i arrestuari për fshehjen dhe asgjësimin e trupit të pajetë të Jan Prengës, është vënë nën presionin e prokurorëve për zbardhjen e pengmarrjes dhe vrasjes.

Ata e kanë vënë para fakteve dhe videos ku Bexhdili shfaqej duke transportuar trupin e pajetë të Prengës dhe kjo gjë E ka detyruar atë të flasë dhe të hedësh dritë mbi ngjarjen.

I arrestuari, sipas  tv “Abc News”, ka deklaruar se trupin e 49-vjeçarit i’a ka dorëzuar Altin Hajrit dhe një personi me mbiemër Doçi, nga Shkodra.

Ai pretendon se nuk e di se ku është dërguar më pas viktima, ndërsa pritet të zbërthejë edhe më tepër këtë rast që ka tronditur mbarë vendin.

49-vjeçari Prenga u mor peng, u dhunua dhe u rrëmbye më 17 janar, në Kamëz, por vetëm më 28 janar, policia konfirmoi vdekjen e tij nga humbja e gjakut, pas dhunës e torturave. Pavarësisht kërkimeve, deri më tani nuk është arritur që të gjendet trupi i viktimës, ndërsa kërkimet janë shtrirë në zonën e Shijakut./ CNA.al





Lajmet e fundit nga