web counter
LEXO PA REKLAMA!

SHKARKO APP

App Store
Google Play

E fundit!

x

Grabiti dhe plagosi çiftin Laze në banesë/ Kush është “Çengeli” i “rritur” burgjeve

4 Shkurt 2020, 22:24, Kronika CNA

Mbrëmjen e 19 janarit zona e Alliasit të Tiranës u trondit nga plagosja e çiftit Laze. 2 hajdutë hynë në banesë për të vjedhur para, por u pikasën nga familjarët dhe vajza e çiftit Laze njoftoi policinë.

Pas këtij veprimi, autorët qëlluan me armë drejt Petrit dhe Afërdita Lazes dhe u larguan nga vendngjarja. Nga hetimet, blutë arrestuan 28 vjeçarin Fatjon Mertenikaj nga Elbasani dhe shpallën në kërkim Markelian Cungun.

Cungu rezulton të jetë i njohur për autoritetet, pasi ka kryer një sërë vjedhjesh që në moshë të mitur.

?Markelianit të tmerrshëm? i janë vënë prangat që në moshën 12-vjeçare nga policia e Tiranës. Asokohe shokët e njihnin me pseudonimin ?Çengeli?, pasi njihej për vjedhjen e telefonave të qytetarëve nga xhepi, duke i tërhequr me gishtin e vogël të dorës.

Ndonëse ka qenë i mitur, ai ka publikuar disa herë në rrjetet sociale foto me armë dhe shuma të mëdha parash, ndërsa tregon edhe pasionin që ka për motorrët.

Cungu ka udhëtuar në Gjermani dhe pas kthimit në vitin 2016, është arrestuar për vjedhjen e banesës së një biznesmeni. Blutë bëjnë me dije se vetëm në komisariatin nr 3 të Tiranës janë regjistruar 70 vjedhje të kryera nga Cungu.

Ai së bashku me Mertenikajn planifikuan vjedhjen e banesës së familjes Laze, të cilën duket se e njihnin mirë, pasi hynë nga pjesa e pasme e saj, duke iu shmangur kamerave të sigurisë dhe sistemit të alarmit./ CNA.al





Lajmet e fundit nga