web counter
LEXO PA REKLAMA!

SHKARKO APP

App Store
Google Play

Dalin emrat/ Kush janë të fortët e Shkodrës që Anti-KÇK u sekuestroi pasurinë

4 Shkurt 2020, 17:48, Kronika CNA

Dalin emrat e gjashtë personave që Operacioni Forca e Ligjit(OFGJ) i sekuestroi sot pronat, me urdhërin e drejtorit të Përgjithshëm të Policisë së Shtetit, Ardi Veliut.

Bëhet fjalë për shtetasit Aldo Manjishta, M. Docaj , Ardian Doçi, Gentian Finiqi, Artan Doçi dhe Martin Bleta. Këta persona dyshohet se janë të përfshirë në rrëmbimin dhe vrasjen e Jan Prengës.

Aldo Manjishtës iu sekuestrua një banesë njëkatëshe në lagjen “Skënderbeg” të Shkodrës, M. Docajt një banesë dykatëshe + një kat njësi shërbimi në lagjen “Fermentim”, arë me sipërfaqe 1541 m2 dhe truall me sipërfaqe 350 m2.

Ardian Doçit iu sekuestrua një banesë dykatëshe, e ndodhur në lagjen “Bleran”, Njësia administrative Rrethina, Shkodër, 3 automjete dhe 1 motor, ndërsa Gentian Finiqit një banesë vilë katërkatëshe, me pishinë e një automjet.

Nga ana tjetër autoritetet sekuestruan një banesë trekatëshe në Hot të Ri të Artan Doçit dhe një banesë dykatëshe + një kat papafingo në Grudë e Re e një automjet të Martin Bletës.

Kujtojmw se 49-vjeçari Prenga u mor peng, u dhunua dhe u rrëmbye më 17 janar, në Kamëz, por vetëm më 28 janar, policia konfirmoi vdekjen e tij nga humbja e gjakut, pas dhunës e torturave. Pavarësisht kërkimeve, deri më tani nuk është arritur që të gjendet trupi i viktimës, ndërsa kërkimet janë shtrirë në zonën e Shijakut./ CNA.al

Video-Rrëmbimi dhe vrasja e Jan Prengës/ Anti-KÇK sekuestron pasuritë e kokave të krimit në Shkodër





Lajmet e fundit nga