web counter
LEXO PA REKLAMA!

SHKARKO APP

App Store
Google Play

Paketa anti-KÇK/ Xhixho: Antikushtetuese, i jep fuqi të madhe Policisë së Shtetit

2 Shkurt 2020, 19:13, Politikë CNA

Ish deputetja e LSI Erisa Xhixho ka folur për ligjin anti-KCK, të miratuar së fundmi nga qeveria.

Xhixho tha se ky ligj është antikushtetues, ndërsa shton se me anë të tij i jepet fuqi e madhe Policisë së Shtetit.

?Ligji anti-KCK i jep fuqi të madhe Policisë së Shtetit. Drejtori i Policisë së Shtetit i bie që sekuestron pasuri, ndërkohë që duhet që për sekuestrime pasurie duhet që të vendosë Prokuroria. Reforma në drejtësi u mbështet si mekanizëm që do të bënte që drejtësia të mos jetë më në dorën e politikanëve. Mirëpo, ministri merr kompetenca me ligjin anti-KCK. Është skemë totalisht politike. Ne kemi ligje fort të mira, ligji antimafia, ligji të statusit të prokurorit, gjyqtarit etj.
Kjo maxhorancë ka probleme të shumta me krimin e organizuar dhe po ashtu ka korrupsion, sipas ndërkombëtarëve. Sesi mund të presin qytetarët që kjo qeveri e tillë të luftojë korrupsionin, këtë s?e dimë. Duhet ta bëjnë të huajt. Kjo iniciativë antikushtetuese dhe dhunon të drejtat e njeriut. Kemi të bëjmë me dhunim të shtetit të së drejtës. Dëmtohet rëndë edhe imazhi i Shqipërisë. Kjo paketë triblon edhe institucionet e reja të drejtësisë. Duke dhunuar të drejtat e njeriut, mund të kemi padi edhe në Strasburg, gjë që ka kosto edhe për Shqipërinë si shtet?, deklaroi Xhixho në studion e ?Opinion? në News 24.





Lajmet e fundit nga