web counter
LEXO PA REKLAMA!

SHKARKO APP

App Store
Google Play

BE mbyll kapitullin me Brexit/ Flamuri britanik hiqet nga të gjitha institucionet

31 Janar 2020, 22:02, Politikë CNA

Mbretëria e Bashkuar do të largohet mbrëmjen e sotme nga BE, pas 47 vitesh anëtarësim, duke regjistruar kështu një nga ndryshimet më të mëdha politike dhe ekonomike në Evropën moderne.

Brexit pritet të sjellë përfundimin e tensioneve të ngritura mes Mbretërisë së Bashkuar dhe BE-së, të cilat vazhdojnë tashmë prej 3 vitesh e gjysmë.

Largimi do të shënojë fillimin e një ?periudhe tranzicioni? në të cilën Mbretëria e Bashkuar mbetet anëtare e unionit të tregut dhe doganës, por fillon negociatat me BE me shpresën për të arritur një marrëveshje të tregtisë së lirë.

Kjo marrëveshje duhet të arrij deri para fundit të vitit 2020, përndryshe është paralajmëruar se ajo mund të përballet me një skenar ?pa marrëveshje? dhe do të duhet t?i kthehet rregullave të tregtisë së Organizatës Botërore , duke vendosur barriera tregtare me BE-në në një lëvizje që mund të dëmtojnë si ekonomitë e Mbretërisë së Bashkuar ashtu edhe atë të BE-së.

Brexit është pritur nga disa persona me lot dhe nga disa të tjerë me përqafime. Kryeministri i Britanisë, Boris Johnson, organizoi festime dhe bëri një marshim fitoreje, ndërsa disa mbështetës të Bashkimit Evropian organizuan protesta dhe u veshën me rroba zie për të treguar pikëllimin e tyre në fund të anëtarësimit të Britanisë.

Ndërkohë, pamjet kur BE heq flamurin e Britanisë së Madhe janë shpërndarë me shpejtësi dhe po bëjnë xhiron e botës./ CNA.al





Lajmet e fundit nga