Rama jep sonte “llogari” para qytetarëve/ Pyetjet që "gozhdojnë" kryeministrin

13 Shkurt 2020, 19:00, Politikë CNA

Kryeministri, Edi Rama, do të jetë i ftuar mbrëmjen e sotme në emisionin ?Opinion?, në Tv Klan, përballë gazetarëve Klodiana Lala dhe Artan Hoxha.

Rama, do të japë ?llogari? për çështjet aktuale, ku në fokus pritet të jetë dhe aksioni i OFL-së.

Një hapësirë e rëndësishme do i jepet edhe qytetarëve, ku aktualisht në rrjetin social facebook, ka më shumë se 880 pyetje drejtuar kreut të qeverisë.

Nga anti-KÇK-ja, e shkuara kriminale e kryebashkiakëve, një arrestim në Francë në vitin 1994, mosjustifikimi i pasurisë së tij, largimet e padrejta nga puna, minishengeni e shumë pyetje të tjera janë vetëm disa nga çështjet që Kryeministri pritet t?u japë përgjigje.

CNA.al, ka shkëputur vetëm disa nga pyetjet që vijojnë si më poshtë:

1. A keni qenë i arrestuar në Francë në 1994 për tregtinë e ikonave të vjedhura, me emrin Edvin Kristaq Rama?

2. Ju keni pranuar se keni bërë plazh nudo dhe fotoja është e vertetë, mirëpo prej rreth 20 vitesh ju akuzojnë se jeni përdorues droge dhe ju këtë sigurisht nuk e keni pranuar e as e keni mohuar. A jeni i gatshëm të bëni testin e drogës dhe të na tregoni të vërtetën e kësaj historie?

3. A do hetohen ndërtimi i shtëpisë tuaj? Me paratë e kujt është bërë? Po pasuria e Veliajt, Tahirit, Xhafajt, Beqës, Ahmetajt, Gjiknurit, Spiropalit, Ballës, Ruçit, Klosit etj., etj., etj?

4. Ku janë 300.000 vendet e punës që premtoi dhe ku janë të paktën 300.000 shqiptarë që kanë braktisur njëherë e mirë (jo si turista që thot ai) atdheun për shkak të rilindjes?!!!!!!!

5. Zoti kryeministër, kur dikush me shkollë të lartë hiqet nga puna dhe zëvendesohet nga një me shkollë të mesme kjo është meritokraci apo rilindje e bashkisë Skrapar???

6.Pyete njëherë, a mund ta justifikoj pallatin 12 katësh, 2 kamione, 5 vetura, 6 biznese me kursimet e pencionit të prindërve.. Mos harro se janë 2 pencione nga 120 mij lek!

7. Z.Kryeministër, e keni përjetuar ndonjëherë në jetën tuaj reale situatën e Naftetarëve të Ballshit që punojnë 6 muaj, dhe 6 muajet e tjerë të vitit i kalojnë me protesta rrugëve duke protestuar për sigurimet e pagat e papaguara!!!

8. Përse të peshon shpirti nga Serbia e jo nga Kosova?

9. Përse nuk i njihen vitet e punës qytetarëve shqiptar në vendet e Europës, si Italia për shembull?

10. Pse nuk u sekuestron pasurinë ish deputetëve dhe ish kryebashkiakëve të Partisë Socialiste, me të shkuar kriminale!?/CNA.al