web counter
LEXO PA REKLAMA!

SHKARKO APP

App Store
Google Play

Prishja e pazareve të drogës/ Si u porosit nga burgu i Ekuadorit pengmarrja e Jan Prengës

30 Janar 2020, 19:50, Kronika CNA

Detaje të reja kanë dalë në dritë lidhur me pengmarrjen dhe më pas vrasjen e Jan Prengës.

Burime policore kanë njoftuar se janë zbuluar në bazë të përgjimeve në marrëveshje dhe me autoritetet britanike se cili ka qenë personi që ka urdhëruar pengmarrjen dhe vrasjen e Jan Prengës.

Sipas policisë, personi që porositi pengmarrjen e Jak Prengës është Dritan Gramoz Rexhepi, i cili ndodhet në burg në Ekuador që prej vitit 2014, dhe aty ai njihet edhe me emrin Lulzim Murataj.

Për autoritetet shqiptare Rexhepi njihet si person me rrezikshmëri të lartë shoqërore pasi ai ka kryer një sërë veprash të rënda penale jo vetëm në shqipëri.

Dritan Rexhepi, i  njohur si ?koka? i një rrjeti trafiku kokaine, në bazë të përgjimeve ka komunikuar më vëllain e Jan Prengës, Astrit Prengën i cili ndodhet në burg në Mbretërinë e Bashkuar.

Rexhepi mësohet se i ka kërkuar Astrit Prengës që të japë sqarime në lidhje me drogën që ka humbur.

Astriti mendohet se ka patur për detyrë që të marrë lëndën narkotike nga porti i Portsmooth në Britaninë e Madhe dhe ta dërgojë në destinacionin final por droga nuk është dorëzuar nga Astrit Prenga.

Duke qenë në këtë situatë Rexhepi ka dhënë urdhrin për rrëmbimin e vëllait Jan Prengës, urdhër i cili u zbatua në 17 janar.

Në përgjime të tjera gjithashtu kanë dalë se familjarë të Jan Prengës kanë dërguar persona për pajtim gjaqesh në Bardhaj të Shkodrës për të bërë të mundur qetësimin e situatës, dhe Jan Prenga të kthehej i gjallë pranë familjes, raporton ABC news./CNA.al

 





Lajmet e fundit nga