web counter
LEXO PA REKLAMA!

SHKARKO APP

App Store
Google Play

E fundit!

x

Keqmenaxhimi i Albpetrol/ PD: Kompania shtetërore e naftës fsheh të dhënat për humbjet

29 Janar 2020, 13:04, Politikë CNA

Ish deputeti i PD, Luan Baçi ka denoncuar keqmenaxhimin e kompanisë shtetërorë të naftës Albpetrol.
Sipas Baçit, kompania shtetërore e naftës fsheh të dhënat për humbjet.

Një vit më pas, Albpetroli ka ndërruar 3 drejtorë me motivationin ?rezultate negative?, gjë që konfirmon shqetësimet e ngritura prej nesh. Por, megjithëse ka ndërruar 3 drejtorë në 12 muaj, Albpetrol nuk ka përmirësime. Ashtu siç pritej, drejtuesja e re e kompanisë shtetërore të naftës Erjola Muka, po rezulton një dështim.

Kompania nuk e ka realizuar planin e nxjerrjes së naftës as me drejtuesen e re, e cila rezulton e paaftë profesionalisht. Ajo është një inxhiniere kimiste mjedisi dhe nuk ka patur më parë asnjë ditë përvojë pune në fushën e hidrokarbureve apo të menaxhimit të një kompanie të ngjashme.
Nga 6 vendburime, në 5 prej tyre nuk realizohet plani. Objektivi është arritur vetëm në vendburimin e Karbunarës, ku plani është vetëm 1 ton, më i ulëti nga të gjithë. Partia Demokratike disponon të dhëna se deri 2 javë më parë, Albpetroli ishte minus 26 tonë naftë në një ditë të vetme, ndërsa 160 puse janë jashtë përdorimit për shkak të difekteve, ku nuk vë dorë njeri?, u shpreh Baçi në një deklaratë për shtyp.

Sipas tij, për të fshehur dështimin, vjedhjen dhe lehtësirat e paligjshme koncesionarët, kompania shtetërore Albpetrol nuk publikon të dhëna nëse është më fitim apo me humbje. Nuk dihet bilanci i saj, sa janë të ardhurat, sa janë shpenzimet.

“Albpetrol ka detyrimin të bëjë publik prodhimin mujor dhe vjetor të naftës. Të bëjë transparencë për sasinë e naftës që eksporton dhe asaj që përpunohet në vend, duke mos vënë të parin interesin e koncesionarëve, por të naftëtarëve dhe të shqiptarëve?, tha më tej Baçi./CNA.al





Lajmet e fundit nga