web counter
LEXO PA REKLAMA!

SHKARKO APP

App Store
Google Play

E fundit!

x

“Politikanët të tmerruar”/ Sabit Brokaj tregon kush do jenë “viktimat” e SPAK

29 Janar 2020, 10:18, Politikë CNA

Ish-ministri i Mbrojtjes, Sabit Brokaj, ka komentuar aktualitetin politik në vend.

Në një intervistë për gazetën ?Sot?, ndërsa foli në lidhje me ngritjen e SPAK, ai është shprehur se do të ketë hetime dhe ndaj pushtetarëve të lartë.

?Mua më pëlqen që të besoj se me ngritjen e SPAK do të nisë një epokë e re sa i takon luftës kundër korrupsionit në nivel të lartë zyrtarësh. E thashë më pëlqen që dua të besoj se kjo strukturë do luftojë korrupsionin, e thashë se dua të shoh fakte. Por nga ana tjetër në qoftë se nuk do të luftojë dhe hetojë nivelin e lartë të korrupsionit, do të thosha që kot u munduan dhe harxhuan paratë. Dhe fakti është që është aq shumë i pritur në kohë dhe si dëshirë ngritja e SPAK, se n.q.s nuk do të merret me këto, atëherë, edhe depresioni do të jetë i madh. Megjithatë, besoj se përderisa reforma në drejtësisë, e sidomos SPAK u krijua me mbështetje nga të huajt dhe veçanërisht nga SHBA, por edhe BE, besoj se ky organ do ta kryejë misionin për të cilin është krijuar dhe nuk do të bjerë në nivelin e realiteteve tona të ditës. Ka ardhur koha që të korruptuarit të japin shpjegime para drejtësisë.?-është shprehur Sabit Brokaj.

I pyetur nëse ka politikanë që i tremben realisht reformës në drejtësi, e sidomos SPAK-ut, Brokaj tha se po, dhe sipas tij është kjo arsyeja pse Reforma në Drejtësi nuk ecen me ritme të shpejta.

?Patjetër! Kjo pasi nëse nuk do të kishte politikanë që nuk i tremben SPAK-ut dhe organeve të reja të drejtësisë, vetingun dhe reforma në drejtësi do të ecte me ritme më të shpejta. Kështu që, nisur nga fakti që reforma në drejtësi u vonua 2-3 vjet, tregon se politika i frikësohet kësaj reforme. Pra, kjo tregon se ata që e shtynë këtë reformë dhe e zhvendosën në kohë janë lebetitur (tmerruar) nga kjo reformë, pasi kërkuan që ta modifikojnë atë, por që nuk i arritën. Dhe kjo tashmë është botërisht e njohur.?deklaroi ish-ministri./ CNA.al





Lajmet e fundit nga