E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Foto-Tërmeti kthen nga SHBA Ermira Babaliun/ Ndihma dhe kontenierë për familjet e prekura

29 Janar 2020, 12:00, Politikë CNA

Këngëtarja Ermira Babaliu, e cila prej vitesh jeton në Shtetet e Bashkuara të Amerikës, i ka ardhur në ndihmë familjeve të prekura nga tërmeti tragjik i 26 nëntorit.

Ajo tha për CNA.al se ndihma kundrejt familjeve të prekura nga tërmeti ka ardhur në bashkëpunim edhe me një tjetër shqiptar zemërgjerë e patriot Ilir Beshiri , patent inventor , i cili jeton ne Canada.

Babaliu, e cila prej disa ditësh ndodhet në Shqipëri, ka vizituar disa prej familjeve që kanë mbetur në qiell të hapur pas tërmetit të tmerrit.

Ajo ka shkuar në Kullaj, Gjuricë, Kepi Rodonit ku ka çuar veshje dhe ushqime për të lehtësuar sado pak nevojat e këtyra familjeve dhe për të ndezur një fije shprese për ta.

Ndihma e tyre nuk mbaron me kaq, pasi ata kanë premtuar blerjen e disa kontenierëve për të strehuar disa familje që ende jetojnë nëpër çadra.

Në një prononcim për CNA.al, Babaliu thotë se janë duke u përpjekur për të blerë kontenierë, pasi, sipas saj, ka konstatuar disa probleme me blerjen e tyre.

?Jemi duke u përpjekur për të blerë disa kontenierë, në bashkëpunim me Ilir Beshirin. Ka probleme me blerjen e konteniereve pasi e njëjta hapësirë kontenierësh ka çmime të ndryshme dhe po mundohem që të marr një kontenier më të madh që familjet që do të strehohen të kenë më shumë hapësirë gjatë kohës që do të qendrojnë aty?, tha Babaliu.

Më tej ajo sqaroi se do të ndihmojnë ato familje të cilat kanë pleq dhe fëmijë të vegjël.

?Janë disa familje të cilave dua tu gjendem pranë me ndihmën time. Më shumë dua të ndihmoj ato familje me pleq edhe fëmijë të vegjël Do të jem këtu deri ne datën 20 Janar për të mbyllyr këtë ?mision?. Disa familje që janë akoma në çader, jam shumë e dëshpëruar që njëra nga këto familje e kishte hapur vendin e shtëpisë të shkatërruar dhe jetonin në çadër në kushte mjaft të vështira. Gjatë këtyre ditëve kam çuar shumë ndihma si veshje, ushqime e ndihma të tjera si këto, ndërkohë që shumë shpejt do çoj edhe kontenierët?, tha më tej Babaliu./CNA.al