web counter
LEXO PA REKLAMA!

SHKARKO APP

App Store
Google Play

Video-20 të vdekur e 1015 të plagosur/ Vijojnë kërkimet nën rrënoja pas tërmetit shkatërrimtar në Turqi

25 Janar 2020, 07:16, Kosova & Bota CNA

Pasditen e djeshme, Turqia është goditur nga një tërmet i fuqishëm, 6.9 ballë, i cili ka lënë pas pasoja katastrofale.

Sipas mediave turke, deri tani 20 persona kanë humbur jetën, ndërsa rreth një mijë të tjerë kanë mbetur të plagosur. Ndërkohë ekipet e kërkim-sjpëtimit vijojnë kërkimet nën rrënoja.

Tërmeti goditi Turqinë Lindore, dhe u shoqërua edhe me dhjetëra paslëkundje me madhësi që variojnë midis 2.7 dhe 5.4.

Ministri i Brendshëm turk Süleyman Soylu pohoi se raportohet për 100 ndërtesa të shkatërruara në Elazig.

Autoriteti për Menaxhimin e Fatkeqësive dhe Emergjencave (AFAD) të Turqisë, tha se tërmeti goditi qarkun Sivrice të Elaz?? dje në 8:55 p.m. (17:55 GMT) nga një thellësi prej 6.7 kilometra.

Ndërkohë, menjëherë pas ngjarjes në rrjetet sociale, u shpërndanë video të ndryshme ku tregonin pallate të shembura dhe forcat e shpëtimit dhe emergjencave duke ndërhyrë për të shpëtuar jetë njerëzish.

 

#elaz?gdeprem allah rahmet eylesin ?? pic.twitter.com/TCGiVq6P0y

? Yusufdervi?oglu (@Yusufdervioglu1) January 24, 2020

Njerëz të tjerë nëpër rrugë që kërkojnë ende të afërmit e tyre, ndërsa vijojnë operacionet e evakuimit.

Ajo çfarë e bën edhe më të vështirë situatën për të prekurit nga tërmeti, është se në këtë pjesë të Turqisë temperaturat shkojnë në disa gradë nën zero.

Ministri i Brendshëm Süleyman Soylu, Ministri i Mjedisit dhe Urbanizimit Murat Kurum dhe Ministri i Shëndetësisë Fahrettin Koca u zhvendosën në rajon për shkak të tërmetit.





Lajmet e fundit nga