web counter
LEXO PA REKLAMA!

SHKARKO APP

App Store
Google Play

E fundit!

x

PD çon në SPAK koncesionin 120 milionë euro të checkup-it/ Të hetohet pa vonesë

24 Janar 2020, 13:30, Politikë CNA

Partia Demokratike ka çuar në SPAK dosjen korruptive të koncesionit 120 milionë euro të checkup-it.
Ish deputetja e PD, Albana Vokshi kërkoi nga SPAK të hetojë pa vonesë kontratën që sipas saj vjedh shqiptarët. Ndër të tjera Vokshi tha se ka dorëzuar edhe provat e reja që faktojnë manipulimin me formularët e analizave.

?Partia Demokratike disponon, gjithashtu, fakte se përfundimi i analizave që bëhen nga koncesioni korruptiv i Edi Ramës është i ndryshëm nga të njëjtat analiza të kryera në privat apo në shtet. Partia Demokratike u bën thirrje të gjithë mjekëve të qendrave shëndetësore të mos plotësojnë asnjë formular të analizave të checkup-it për vitet e shkuara, të mos bëhen pjesë e manipulimit, pasi ky koncesion korruptiv do të shkojë para drejtësisë. Ka edhe një mashtrim tjetër të madh nga Edi Rama.

Checkup-i nuk është falas, siç propogandon ai. Shqiptarët jo vetëm paguajnë rreth 15 euro për një analizë, shumë më shtrenjtë se në privat, por paguajnë edhe për qindra mijë analiza të tjera që nuk bëhen kurrë. Kontrolli i Lartë i Shtetit ka konstatuar se për tre vitet e para, Vilma Nushi është paguar në mënyrë abuzive me 12.6 mln Euro për rreth 500 mijë analiza të pabëra asnjëherë. Po ashtu, financuesja e Edi Ramës ka marrë pagesë TVSH-je në mënyrë të paligjshme për shërbime që përjashtohen nga ky tatim?, u shpreh Vokshi.

Sipas saj, të gjitha këto janë fakte publike që SPAK duhet t?i hetojë pa vonesë dhe të çojë prapa hekurave këdo që ka vjedhur dhe t?u kthejë shqiptarëve paratë e vjedhura./CNA.al





Lajmet e fundit nga