E fundit!

13:58 Aktualitet

AI nuk është më teori, Shqipëria përballet me sfidën e adoptimit

Inteligjenca Artificiale po kalon me shpejtësi nga laborat...

Pazare, shtantazhe dhe gjoba nga mediat që i shërbejnë/ Morali pa moral i kryebashkiakut të Tiranës

24 Janar 2020, 10:35, Politikë CNA

Disa media vasale të bashkisë Tiranë, kanë filluar çuditërisht një sulm ndaj kryebashkiakut, Erion Veliaj. Një sulm i strukturuar nga media, të cilat kryetari i Bashkisë i ka pasur nën ?yqëm?, apo komandë çdo sekondë.

Themi ?nën komandën? e tij të përhershme, ditë dhe natë, 24 orë në 24, hane e pinte me ta, iu jepte tendera, ?zhgrryheshin? dhe ndanin gjithçka bashkë, pazare, sulme politike, tendera etj etj. Media të cilat shantazhonin njerëz për kryetarin e Bashkisë dhe ky i fundit që i shpërblen me punë publike të dhëna nga taksat e qytetarëve të Tiranës.

Tendera të fituar nga pronarë mediash, apo ushtrim influence nga ata tek pushtetarët vendorë.

Rasti i Veliajt dje, është kthyer në një shembull sesi s?duhet të jetë një pushtetar lokal. Dje ai ka pranuar publikisht se po i vendosin gjobë pronarët e mediave dhe këtë ai e quajti sport me të cilin ai merret, duke e trajtuar median si argëtim.

Në fakt ai kështu ka bërë dje, kështu ka bërë edhe pardje. Por, sot duket se e ka pak të vështirë, sepse po ha atë që gatoi.

Nga ana e Veliajt shohim një akt të turpshëm, pasi një kryebashkiak nuk mund të thotë se mediat po i vendosin gjobë. Por, shkon në prokurori, shkon në SPAK dhe i denoncon. Nuk ka pse t?i thotë publikut se mediat mund të thonë çfarë të duan për të, mund të bëjnë çfarë të duan, sepse duan t?i vënë gjobë për katë shtesë në Bulevardin e ri të Tiranës, apo atje ku do të ndërtohen pallatet apo do të ketë investime. Por, shkon dhe i denoncon me emra, se kush janë personat që po e shantazhojnë dhe po i vendosin gjobë, sepse kjo është një vepër penale.

Nga ana tjetër janë pronarët e mediave, të cilët dihet se çfarë janë. Kapterra, trafikantë, pseudo-biznesmenë, shumica e tyre nëpërmjet shantazhit dhe gjobave mediatike duke ushtruar influencën e tyre mediatike, duke përdorur si marionetë ekranin e tyre apo gazetat, nuk kanë bërë gjë tjetër, por thjesht dhe vetëm kanë goditur, duke ushtruar influencë në pushtete të ndryshme, për të përfituar në mënyrë të paligjshme.

Pra, monedha ka dy anë, njëra kokë e tjetra pil, e sa herë ta hedhësh nuk bie përherë njësoj. Ky rasti i disa mediave që po sulmojnë Lali Erin, dhe ky i fundit që po e kthen në sport publik, dhe nuk po shkon në prokurori, është një shembull publik ku ka katandisur media dhe pazari i saj me politikën dhe e anasjellta.

Nuk është aspak morale sulmi që bëri Veliaj ndaj mediave dhe pronarëve të tyre, duke i akuzuar për shtantazh dhe gjoba, ndërkohë që nuk shkon në prokurori. Ashtu siç nuk është aspak moral por kriminal fakti që këto media për shumë e shumë vite kanë heshtur dhe i kanë shërbyer Veliajt dhe sot për interesat e tyre klienteliste dhe korruptive e godasin për të vënë gjoba.

Luftë horrash, megjithëse më në fund disa të vërteta do i dëgjojmë, edhe nga ato për këta pronarë që ne si cna.al i kemi thënë shpesh por institucionet përghjegjëse shteterore heshtën, ashtu si vepruan edhe për denoncimet tona ndaj kryebashkiakut Veliaj. Tani këto të vërteta po i dëgjojmë nga përplasja e mediave me Lalin.

Të vërteta të cilat për shumë vite janë mbajtur të fshehta dhe janë deri në kriminale. Në fakt që në fillim e gjithë kjo histori mban një erë të keqe. Duket sikur je në një Pazar peshku, i cili thjeshtë dhe vetëm qelbet./ CNA.al