web counter
LEXO PA REKLAMA!

SHKARKO APP

App Store
Google Play

E fundit!

x

Berisha pendohet për akuzat ndaj Nanos/ Tregon kush e ka urdhëruar vrasjen e Azem Hajdarit

23 Janar 2020, 21:34, Politikë CNA

Gazetari Erl Murati i ka kujtuar mbrëmjen e sotme ish-kryeministrit Sali Berisha, kohën kur akuzonte Fatos Nanon si urdhëruesin e vrasjes së ish-liderit të Dhjetorit Azem Hajdarit.

Berisha pranoi se e ka akuzuar, por tha se e ka tërhequr këtë akuzë, pasi pretendon se të dhënat i kanë treguar se Nano nuk kishte gisht në vrasjen e Hajdarit.

Ai tha me 100% siguri se vrasjen e ka urdhëruar ish-kryetari i SHISH Fatos Klosi dhe kryetari i Akademisë së Shkencave Skënder Gjinushi.

?E kam akuzuar në fillim, nuk e mohoj që e kam akuzuar se ai u vra kur ky ishte kryeministër, e vranë njerëz me uniformë, por pastaj duke zbërthyer mbrapa disa veprime, unë sot nuk mund të them se ai ishte. Nëse unë sot mund të them se jam 100% për Fatos Klosin, nëse mund të them se jam 100% për Skënder Gjinushin sipas të dhënave, nuk mund të them për Fatos Nanon. Dhe  të jesh i sigurt se jo një marrëveshje, por 1000 marrëveshje të kisha bërë me të unë nuk e hiqja këtë, nuk bëja dorëheqjen, por unë akuza të kota nuk mund të bëj për të. Unë në atë kohë e kam bërë akuzën sepse Fatos Nano ishte kryeministër, sepse ai e kishte Ministrinë e Brendshme, se ato që e vranë Azem Hajdarin ishin kapiten dhe major të Ministrisë së Brendshme?, theksoi ish-lideri i PD./CNA.al





Lajmet e fundit nga