E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Pajtim Aga në pranga për drogë/ PD: Ia bënë vëllain shef policie, mbështetet nga Rama

18 Janar 2020, 16:33, Politikë CNA

Ish-deputeti i Partisë Demokratike Enkelejd Alibeaj, tha se arrestimi i Pajtim Agës dëshmon përshkallëzimin e fenomenit kriminal dhe konfirmon se krimi, trafiku i drogës dhe liria për të vepruar e kontingjentit kriminal ka mbështetjen e shtetit, të qeverise dhe policisë.

Sipas tij, krimi në zgjedhje ka mbështetjen direkte të Edi Ramës, ndaj dhe demokrati e lidh këtë me arrestimin e Agës, vëllain e ish-shefit të qarkullimit të Dibrës, Robert Aga.

?Robert Aga është shefi i policisë që garantoi mbjelljen e Dibrës me hashash prej të vëllait, tani të arrestuar, i njëjti shef policie që terrorizoi qytetarët e Dibrës për të vjedhur votat e tyre, bashkë me Bablokun e krimit Edi Rama, Damian Gjiknuri, Sajmir Tahiri, Xhemal Qefalia, Ulsi Manja, Pjerin Ndreu e të tjerë.

E gjithë kjo bandë vjedhësish votash, arriti që nën përdorimin e parasë, terrorit policor dhe administratës, të vidhnin votat e dibranëve. I madh e i vogël brenda e jashtë Shqipërisë janë njohur me bëmat e kësaj bande qeveritare, nga Zëri i Amerikës, nga Bild-i gjerman e media të tjera botërore?, u shpreh Alibeaj në deklaratën për shtyp.

Ai pretendon se i arrestuari për trafik droge dhe vëllai i tij, janë ekzekutues të realizimit të planit për vjedhjen e zgjedhjeve.

?Robert Aga ishte ai që merrte garanci nga kryeministri dhe ministri i brendshëm, që ?të mos e çante kokën? për asgjë, mjaftonte që gostia e bandës qeveritare, me votat e vjedhura, të shantazhuara, të terrorizuara, të blera me paratë e drogës e kanabisit, të kënaqte babëzinë për pushtet dhe para të bandës qeveritare me në krye Bablokun?, theksoi demokrati, i cili kujton këtu përgjimet e publikuara nga gazeta gjermane ?Bild?.

Alibeaj deklaron se në vend që të ndëshkohej, Robert Aga u shpërblye me gradim në detyrë dhe i vëllai vazhdoi trafikun e drogës.

Ish-deputeti kërkon reagimin e Prokurorisë dhe SPAK-ut, teksa thotë se mjafton vetëm vullneti për të çuar para drejtësisë trafikantët e rëndomtë të drogës që kanë vjedhur zgjedhjet./ CNA.al