web counter
LEXO PA REKLAMA!

SHKARKO APP

App Store
Google Play

E fundit!

x

116 mijë euro koncension të fshehtë/ Vokshi denoncon kontratën korruptive

16 Janar 2020, 15:25, Politikë CNA

Ish deputetja demokrate Albana Vokshi ka sulmuar kryeministrin Edi Rama dhe qeverinë që ai drejton.

Më anë të një postimi në rrjetet sociale, Vokshi, ka thënë se qeveria e Edi Ramës vazhdon të punojë për të pasuruar Vilma Nushin dhe të ngjashmit e saj, duke vjedhur shqiptarët.

?Rasti i check up nuk është sukses, siç pretendon ministrja e Ramës, por është hajdutëri, është babëzi.

Mijëra analiza check up nuk ka dyshim që janë fiktive. Partia Demokratike ka prova për fiktivitetin e numrit të analizave të check up.

Më e rëndësishmja është që duke rritur fiktivisht numrin e analizave, Edi Rama i jep Vilma Nushit, sipas kontratës korruptive të koncesionit të cilën e mbajnë të fshehtë, 116 mijë euro më shumë në 2019?, ka shkruar Vokshi në rrjetet sociale.

Sipas saj, përpara shëndetit të shqiptarëve janë paratë, është pasurimi i paligjshëm i qeveritarëve, Vilma Nushit dhe veglave të tyre.

?Vjedhja e hajdutëve të qeverisë dhe klientëve të tyre, lë pa pagesa shtresat e varfra, personat më të pamundur, ata me aftësi ndryshe dhe invalidët. Koncesioni korruptiv i check up, njësoj si gjithë koncesionët e tjerë në shëndetësi duhet të hetohet nga SPAK.Edi Rama dhe kushdo që ka përfituar prej vendimeve të tij abuzive duhen hetuar dhe të çohet para drejtësisë. Paratë e vjedhura duhet t?u kthehen shqiptarëve?, ka shkruar më tej ajo./CNA.al





Lajmet e fundit nga