web counter
LEXO PA REKLAMA!

SHKARKO APP

App Store
Google Play

Zbulohet oferta e LDK-së për formimin e qeverisë së koalicionit

15 Janar 2020, 18:20, Kosova & Bota CNA

Partia Lidhja Demokratike e Kosovës(LDK), e cila u rendit e dyta në listën e partive fituese të zgjedhjeve të 06 tetorit 2019, ka shpalosur ditën e sotme ofertën e saj për formimin e qeverisë në koalicion me lëvizjen VetëVendosje.

Këtë e ka zbuluar anëtari i kryesisë së LDK-së, Avdullah Hoti, nëpërmjet një postimi në rrjetet sociale, ku shkruan se sipas ofertës ?Lidhja Demokratike,deri në zgjedhjen e Presidentit, do të ketë Kryetarin e Parlamentit , post ky që më pas do t?i kalojë Lëvizjes VetëVendosje. Kjo nënkupton se në vitin e parë të bashkëqeverisjes, VetëVendosja do të ketë Kryeministrin, LDK-ja Kryetarin e Parlamentit. Në tri vitet pasuese, VetëVendosja do të mbajë postin  e Kryeministrit dhe Kryetarin të Parlamentit, ndërkohë që LDK-ja atë  të Presidentin?.

Ndërkohë nga oferta mësohet se numri i ministrive mbetet dymbëdhjetë me përfaqësim siç është renë dakord, me përjashtim se: Ministria e Kulturës, Rinisë dhe Sportit i bashkohet Ministrisë së Arsimit, Shkencës dhe Teknologjisë. Ministria e Administrimit të Pushtetit Lokal ndahet nga Ministria e Punëve të Brendshme, ku është integruar sipas marrëveshjes së arritur në takimet e mëparshme, dhe mbetet për komunitetet jo shumicë krahas Ministrisë për Komunitete dhe Kthim.

Referuar ofertës mësohet gjithashtu se të dyja partitë e kolaicionit qeverisës do të kenë numër të barabartë ministrish, nga pesë secila etj. ?Partnerët e koalicionit, në përputhje me dispozitat kushtetuese, për presidentin e vendit do të përkrahin kandidatin e propozuar nga LDK-ja?, citohet në pikën e tretë të ofertës.





Lajmet e fundit nga