web counter
LEXO PA REKLAMA!

SHKARKO APP

App Store
Google Play

“Arrestimet për tërmetin ishin farsë”/ Inxhinieri Meçe: Paaftësi nga Prokuroria

15 Janar 2020, 22:06, Aktualitet CNA

Inxhinieri Arben Meçe tha se arrestimet e bëra ditën e djeshme për pasojat e tërmetit të 26 nëntorit ishin farsë.

Meçe akuzoi Prokurorinë për paaftësi, pasi pretendon për 486 pallate me mbi 10 kate në Tiranë, nuk ka dosje, pavarësisht se disa prej tyre janë të dëmtuara.

“Procesi është farsë, pasi janë tre kryetarë komunash, është e pamundur të arrijë deri te kryetari. Nëse kryetari i Farkës dhe Kasharit arrestohen edhe piramida zinxhir duhet të kishte analogji, nga kryetari, drejtorët, shefi i urbanistikës, juristi, inxhinieri, etj. Në Kashar është piramida, ndërsa në Farkë vetëm kryetari është arrestuar. Ka shumë gjëra që nuk shkojnë. Ai e dini ju se për 486 objekte mbi 10 kate në Tiranë nuk ka fare dosje, as kolaudim, as projekt dhe asgjë dhe qytetarët kanë bërë blerjet, por nuk marrin certifikatën. Nga këta 486, 100 janë të prishur.

Po të hapësh të gjitha dosjet, të gjitha kanë mangësi. Këta objekte nuk kanë kaluar asnjë procedurë për të cilën këta të tjerët janë arrestuar. Di që qytetarët që janë futur në këto objekte nuk kanë asnjë dokument pronësor, pasi nuk kanë akt kolaudimi, akt piketimi, dokumentin e sizmikës dhe as regjistrimin në ZVRPP, për të cilën këta janë futur në burg?, deklaroi inxhinieri në emisionin Repolitix, ndërsa theksoi se kjo ngjarje do të venitet në mënyrë të turpshme./ CNA.al





Lajmet e fundit nga