web counter
LEXO PA REKLAMA!

SHKARKO APP

App Store
Google Play

Sulmi me raketa/ Dade: Një konflikt i armatosur nuk do ishte në interes të Iranit

8 Janar 2020, 19:53, Politikë CNA

Ish deputetja socialiste, Arta Dade, e ftuar në studion e ?Ora news? ka dënuar sulmin me raketa që Irani ka bërë ndaj bazave të SHBA-së në Irak.

Sipas Dades, Lindja e Mesme do vazhdojë të mbetet edhe për shumë kohë vendi i konflikteve, por një konflikt i armatosur nuk do të ishte as në interes të vetë Iranit.

?Në luftën kundër terrorizmit duhet të inkuadrohen të gjitha vendet që të japin kontributet e tyre. Besoj se Lindja Mesme do vazhdojë të mbetet edhe për shumë kohë vend i konflikteve. Irani me raketet që ka lëshuar, besoj u dha një mesazh edhe vendeve të tjera që janë aleate të SHBA në rajon. Besoj se thirrjet nuk janë vetëm për trupat amerikane por edhe  për ata të vendeve te tjera.

Prania e trupave amerikane atje, është me marrëveshje, nuk kanë vajtur me mënyrë arbitrare.Trump u shpreh se do i tërhiqte trupat e vet në Lindjen e Mesme, nuk besoj se ka qenë një strategji për të acaruar konfliktet.

Uroj që këto gjëra të zgjidhen me bisedime, sepse jemi në shekullin e 21 dhe askush nuk do donte të shkonte në konflikte të armatosura.

Më ka qëlluar këto ditë të flas edhe me shqiptarë në Amerikë, dhe këto konflikte , kur marrin përmasa të mëdha, krijojnë edhe pasiguri.

As Irani vetë nuk besoj se është i interesuar që ky konflikt të vazhdojë .? u shpreh Dade./CNA.al

 

 





Lajmet e fundit nga