web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e gruas në Mallakastër/ Paralajmëron kunata: Do bëjmë vetëgjyqësi

7 Janar 2020, 18:51, Kronika CNA

Mallakastra u trondit, sot, nga gjetja e trupit të pajetë të Drita Salianjit, e cila ishte vrarë nga nipi i burrit dhe më pas ishte hedhur në rezervuarin e fshatit, e lidhur me litar.

Kunata e viktimës, Mjaftoni Saliaji deklaron se familjet kishin konflikte të vazhdueshme, ndaj i kërkon autoriteteve të ndërhyjnë, ose do të ketë vetëgjyqësi.

?Kërkojmë drejtësi nga shteti. Kemi djem për të rritur edhe ne. Unë jetoj në Ballsh, por vij se kam tokën. O vetëgjyqësi o të zhduket ky fis nga këtu. Nuk duam të shohim më se janë njerëzit më të këqinj që ekzistojnë. Të ikin nga ky vend, t?i çojnë në Afganistan. Nga kush pres të ruhem unë? Nga kunata, nga kunati? Ata kanë bërë atë që kanë bërë. Gruaja ka qenë e vetmuar se burri i ikte emigrant 1 muaj ose 2 muaj ?, u shpreh ajo për News 24.

Gjithashtu kunata e viktimës tregon se lajmin e mësuan nga policia në orën 1:20 të natës, teksa zbuloi se gruaja jetonte e vetme, pasi bashkëshorti ndodhej në emigrim.

?E bëri ai, mund të bëhemi dhe ne kriminel. Shteti të marrë vendime. S?kam pse jetoj me frikë as bezdis njeri. As i hap derën dikujt, as i bie në qafë, as bezdis njeri. Kërkoj ndihmë. Jetoj me punën time, me djersën time. Prandaj ose do bëjmë vetëgjyqësi ose të zhduken fare. Unë tani kam frikë. E mora vesh ngjarjen nga Policia, Na njoftuan në 1:20 të natës. Në fillim na u raportua si zënkë. Unë jam prekur shumë si nënë. Kam 42 vite në këtë fshat. Kam 30 vjet me gruan, me kunatën time. I gjetëm gjërat e lidhura këtu në shtëpi, edhe xhupin e kishte aty të hedhur. Po dridhem e gjitha sepse mua mu vra një person i familjes, padrejtësisht mbi një femër, mbi një nënë. Po të kishte bërë krim le ta kishin vrarë. Le ta kishin vrarë burrin se burrat burra janë dhe e kanë me njëri- tjetrin?, tha kunata e Drita Saliajit./ CNA.al





Lajmet e fundit nga