web counter
LEXO PA REKLAMA!

SHKARKO APP

App Store
Google Play

Pas ftesave të refuzuara/ Sot takimi i shumëpritur Thaçi-Kurti

6 Janar 2020, 07:56, Kosova & Bota CNA

Pas disa ftesave të refuzuara, ditën e sotme, presidenti i Kosovës, Hashim Thaçi do të presë në një takim kryetarin e Lëvizjes Vetëvendosje, Albin Kurti.

Mësohet se takimi do të mbahet sot në orën 15:00, në zyrën e Presidencës.

?E mirëpres paktin që pas ftesës së tretë, zotëri Kurti i është përgjigjur ftesës për datën 6 janar në orën 15.00. Do ta pres në zyrën time, nuk mund të sillemi as me hatër. Mirë se vjen e mirëpres?, -ka thënë presidenti Thaçi.

Nga ana tjetër, disa ditë më parë, Albin Kurti pohoi se do të takohet me presidentin Thaçi, por ai nuk e përcakton datën e formimit të qeverisë. ?Mua vetëm LDK më përcakton datën e formimit të qeverisë?, ka thënë ai. Mediat kanë raportuar se VV i ka bërë një ofertë LDK-së, pas zgjedhjes së Glauk Konjufcës si kryetar të Kuvendit, duke i ofruar gjashtë ministri, kundrejt katër sa do t?i kishte Lëvizja Vetëvendosje.

Takimi në fjalë do të mbahet në lidhje me formimin e qeverisë dhe zgjedhjen e kryeministrit.





Lajmet e fundit nga