web counter
LEXO PA REKLAMA!

SHKARKO APP

App Store
Google Play

E fundit!

x

Zjarret në Australi/ Prifti i bashkohet lutjes me myslimanët

5 Janar 2020, 19:10, Kosova & Bota CNA

Një shembull për t?u ndjekur na vjen nga Australia, ku besimtarët myslimanë dhe të krishterë janë bërë bashkë për t?u lutur për përkeqësimin e thatësirës dhe shuarjen e flakëve.

Fillimisht një grup myslimanësh janë mbledhur në Parkun Bonython në Adelaide, ku u lutën të binte shi, si dhe për shpirtin e viktimave të regjistruara nga zjarri.

Atyre iu bashkua edhe prifti Patrick McInerney, nga qendra për marrëdhëniet e krishtera-myslimane.

?Sot u bashkova me motrat dhe vëllezërit e mi myslimanë në Adelaide, në lutje për shi. Miku im, Profesori Mohamad Abdalla, i dha khutbah (predikim) duke theksuar pendimin dhe besimin te Zoti, i cili është Ofruesi i Mëshirshëm?, tha prifti për mediat.

Këto lutje erdhën një ditë pasi humbën jetë nga zjarri në ishullin Kangaroo, në brigjet e Australisë së Jugut piloti, 78 vjeçar, Dick Lang dhe djali i tij 43-vjeçar, Clayton, i cili ishte kirurg.

Ndërkohë pritet bilanci nga zjarret, që kanë shkaktuar dëme të konsiderueshme, duke djegur banesa dhe prona.

Rreth 500 zjarrfikës po vazhdojnë të luftojnë me flakët e pakontrolluara që kanë nisur që nga fundi i dhjetorit dhe që janë përshkallëzuar edhe më tepër nga moti i nxehtë./ CNA.al





Lajmet e fundit nga