web counter
LEXO PA REKLAMA!

SHKARKO APP

App Store
Google Play

E fundit!

x

Vetëm 1 i vdekur nga aksidentet rrugore në 2019/ Njihuni me kryeqytetin që shënoi rekordin europian

4 Janar 2020, 19:10, Kosova & Bota CNA

Vetëm në katër ditët e para të vitit janë shënuar 3 viktima në vendin tonë, shkaktuar nga aksidentet rrugore, por si duket ky bilanc nuk ka të krahasuar me disa qytete të tjera evropiane.

Oslo, kryeqyteti i Norvegjisë, ka thyer rekordin europian për vitin 2019, ku është regjistruar vetëm një viktimë nga aksidentet rrugore.

Në shkallë vendi, Norvegjia ka regjistruar 110 aksidente me vdekje gjatë 2019-ës, popullsia e së cilës është 5.3 milionë banorë.

Shifrat e bëra publike nga autoritetet norvegjeze tregojnë se, gjatë 50 viteve të kaluara, numri i vdekjeve në rrugët e qytetit ka rënë në mënyrë drastike, nga 41 vdekje në 1975.

Në 2002, qeveria Norvegjeze prezantoi “Vizionin Zero”, si pjesë e planit të tyre kombëtar të transportit për 2018-2029.

Vizioni Zero është baza për të gjithë punën e sigurisë rrugore në Norvegji dhe synon të krijojë një sistem transporti në të cilin askush nuk vritet ose plagoset rëndë në trafik.

Ndërkaq, vendet më të rrezikshme në BE për sigurinë rrugore janë Bullgaria dhe Rumania, e cila ka mesatarisht mbi 90 vdekje për një milion banorë./CNA.al

 

 





Lajmet e fundit nga