web counter
LEXO PA REKLAMA!

SHKARKO APP

App Store
Google Play

Aksidenti me dy të vdekur/ Avokati i shoferit: Klienti im i pafajshëm, do apelojmë masën e sigurisë

5 Janar 2020, 11:40, Kronika CNA

Dy shoferët e aksidentit tragjik që i mori jetën dy këmbësorëve në rrugën ‘Xhanfize Keko’, në Tiranë, janë përballur sot para gjykatës.

Gjykata dha masën e sigurisë ?arrest me burg pa afat? për Etjon Lazrin dhe ?arrest me burg me afat 30 ditor? për shtetasin Edmond Murati.

Duke folur për mediat, avokati i Etmond Muratit, shoferit që udhëtonte me ‘Golfin’ është shprehur se do të apelojë vendimin për masën e sigurisë për klientin e tij.

Sipas avokatit Lavdosh Shehu, klienti i tij ka qenë në përputhje me rregullat e qarkullimit rrugor dhe kishte hapur edhe sinjal në momentin e kthimit ndërsa shoferi tjetër ka ardhur me shpejtësi tepër të madhe duke u përplasur me të.

“Kemi shprehu mënyrën dhe mekanizmin tonë lidhur më ngjarjen e rëndë. I shprehim ndgushëllime familjarëve. Klienti im ka qenë në drejtim të rregullt dhe ka hapur sinjal. Më pas është përplasur nga mjeti tip ‘Beettle’. Ne nuk jemi dakord me vendimin e gjykatës. Ekspertiza ka përcaktuar në një far forme edhe fajtorin. Por kërkesa e prokurorisë përmban daljen e ekspertizës. Kemi patur kundërshtimet tona. Nuk përmendi fajësi të klientit tim. Momenti i ngjarjes ishte shumë i shpejtë ai ishte i tramatizuar nga kjo ngjarja dhe humbja e dy jetëve. Por lëvizja e tij ishte se pasi ka hapur sinjalin ka tentuar të kthehet. Mekanizmi i policisë gjyqësore dhe për mjetin e Edmon Muratit mjeti ka qenë në rrugë.” tha avokati.

 





Lajmet e fundit nga