E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

Mini-Shengeni nxit debate/ Politikanët “goditje” Ramës: Sjell ndikimin rus

28 Dhjetor 2019, 13:56, Politikë CNA

Mini-Shengeni Ballkanik ka nxitur debate dhe kundërshti të shumta edhe nga shqiptarët në Maqedoninë e Veriut dhe Luginën e Preshevës.

Kryetari i Komunës së Bujanocit Shaip Kamberi, kreu i Këshillit Kombëtar Shqiptar Ragmi Mustafa, kreu i BDI-së Ali Ahmeti, dhe Ziadin Sela nga Aleanca për Shqiptarët kanë dalë hapur kundër kryeministrit Edi Rama, i cili po bashkëpunon për Mini-Shengenin me kryeministrin në ikje të Maqedonisë së Veriut Zoran Zaev dhe me presidentin e Serbisë Aleksandër Vuçiç.

Kamberi tha se nuk e mbështet këtë nismë, për të cilën deklaron se është e panjohur për opinionin dhe aspak transparente. Sipas tij, Serbia në këtë mënyrë po i shmanget krimeve të kryera në Kosovë.

?Është shumë e qartë se asnjëherë nuk duhet hequr dorë nga kërkesa që Serbia të ballafaqohet me krimet e kryera në Kosovë, por po ashtu e kemi të qartë se ka edhe shumë çështje që mund të konsiderohen teknike, por që për njerëzit e zakonshëm janë shumë të rëndësihme, që duhet trajtuar. Për shembull, pritjet me nga disa orë nëpër kufijtë e Serbisë të diasporës shqiptare nga Kosova janë një temë që meriton trajtim?, u shpreh ai për Express, ndërsa theksoi se ?kjo iniciativë nuk faktorizon shqiptarët, përkundrazi, ko gjendje po i bën më të brishtë dhe po krijon hapësira që lojtarët e tjerë ta marrin primatin?.

Po ashtu edhe kreu i Bashkimit Demokratik për Integrim, shprehu pakënaqësitë, teksa tha se rruga jonë euro-atlantike nuk mund të zëvendësohet me asnjë iniciativë tjetër.

?Kështu që mbetet një konsekuencë që ne të vazhdojmë dhe të punojmë për afrim, të punojmë që sa më parë vendi ynë të jetë anëtar i BE-së, ashtu siç e kemi realizuar anëtarësimin në NATO. Jemi për pajtim, jemi për të biseduar, por jo të vendosim në rrezik dhe të harrojmë, se rruga që prodhon stabilitet, paqe dhe ardhmëri dhe siguri është rruga e vetme euro-atlantike?, tha Ahmeti.

Ziadin Sela, nga ana tjetër deklaroi se asnjë bashkëpunim rajonal i fqinjëve pa Kosovën nuk reflektohet në realitetin gjeografik dhe ekonomik, pasi sipas tij kjo iniciativë e sjell Rusinë këmbëkryq në rajon përmes Serbisë.

?Aleanca për Shqiptarët ka bërë gjithçka që ta përjashtojë ndikim rus në rajon e tani ky ndikim po vjen të na ulet këmbëkryq nëpërmjet minishengenit e nëpërmjet Serbisë. Interesat strategjike janë baza e nismave rajonale e tonat fatmirësisht janë të kundërta me të SerbisË?, deklaroi ai.

Ndërkohë Ragmi Mustafa sheh të nevojshme përballjen me të kaluarën.

?Megjithatë, në këtë format duhet paraprakisht të shqyrtohet edhe trajtimi i paqes së vërtetë dhe përballjes me të kaluarën dhe krijohet hapësirë për t?i trajtuar çështjet arsimit e kulturës si dhe të drejtave të njeriut e komuniteteve?, tha Mustafa.

Por përveç këtyre të shumtë janë edhe politikanët e tjerë që i dalin kundër Ramës si Kreu i ?Alternativës? nga Maqedonia, Afrim Gashi, ?Lëvizja Besa? në Maqedoninë e Veriut, presidenti i Republikës së Maqedonisë së Veriut, Stevo Pendarovski, kryeministri në detyrë i Kosovës Ramush Haradinaj, etj./ CNA.al