web counter
LEXO PA REKLAMA!

SHKARKO APP

App Store
Google Play

E fundit!

x

Shpërthimi i karburantit/ Policia rrethon zonën në Kombinat

26 Dhjetor 2019, 18:43, Kronika CNA

Policia e Tiranës, ka reaguar për ngjarjen e rëndë të mbrëmjes së sotme, ku një pikë karburanti shpërtheu në flakë në zonën e Kombinatit duke përhapur panik tek qytetarët.

Sipas njoftimit të policisë, sqarohet se ngjarja ka qenë aksidentale dhe ka ndodhur si pasojë e një problemi teknik në sistemin e gazit.

Ndërkaq, policia ka vendosur perimetrin e sigurisë, duke larguar të gjithë qytetarët dhe bllokuar rrugën.

“Rreth orës 18:46 në rrugën ?Llazi Miho?, në një karburant, ka shpërthyer dhe ka marrë flakë një bombol gazi që shërbente për furnizimin me gaz të automjeteve ku si pasojë ka veç dëme materiale.

Menjëherë pas njoftimit të marrë për ngjarjen,  forca të shumta policie dhe disa zjarrfikëse shkuan në vendngjarje, ku Zjarrfikëset po  bëjnë të mundur fikjen e plotë të zjarrit duke shmangur plotësisht rrezikun e përfshirjes së mëtejshëm të tij.

Policia mori masa duke vendosur perimetrin e sigurisë e largimin e të gjithë qytetarëve  nga perimetri i sigurisë, si dhe  bllokimin e aksit rrugor duke i menaxhuar e drejtuar për në akse të tjera lëvizjeje.

Paraprakisht, dyshohet se ngjarja ka qenë aksidentale, ndodhur nga një defekt teknik në sistemin e gazit.

Grupi hetimor ndodhet në vendngjarje, ku po vijon punën për sqarimin e plotë të rrethanave të ngjarjes për hetimin e plotë të rrethanave të ngjarjes?, thuhet në njoftimin e plotë të policisë./CNA.al





Lajmet e fundit nga