E fundit!

16:34 Aktualitet

Dosja "Toyota Yaris"/ GJKKO dërgon për gjykim me themel ish-oficeren e BKH

Gjykata e Posaçme ka dërguar në gjyq dy të pandehurit në d...

E nisi Mini-Shengenin Ballkanik në 2009-ën/ Topi tregon pse e kundërshton tani

26 Dhjetor 2019, 16:44, Politikë CNA

Ish-presidenti Bamir Topi ka folur për marrëveshjen e Mini-Shengenit Ballkanik, pasi kreu i Grupit Parlamentar i PS-së Taulant Balla deklaroi kjo kjo nismë u ndërmor fillimisht nga Topi.

Ish-presidenti tha se Mini-Shengeni u nis me ish-presidentin e Kosovës, Fatmir Sejdiu, ish-presidentin e Malit të Zi, Filip Vujanoviq dhe ish-presidentin e Maqedonisë së Veriut, Gjorgje Ivanov, në vitin 2009 dhe jo në 2010-ën siç deklaroi Balla.

?Në 2009 zgjidhet Ivanov president në Maqedoni, i cili më telefonon 2-3 ditë para se të bëhej ceremonia për të më ftuar. Pyetja ime ishte e drejtpërdrejtë. I thashë e keni ftuar presidentin e Kosovës Fatmir Sejdiu? Më tha kësaj radhe nuk e kam ftuar, ndoshta përgatitjet kanë qenë të tilla, por ju siguroj se do jetë presidenti i parë që do vizitojë Maqedoninë. I thashë se nëse janë gjërat kështu unë pranoj të vij dhe në konferencën e përbashkët do ta deklarojmë të dy. Kjo ishte një hapje e re për Kosovën. Kishte 5 vende të BE-së që nuk e njihnin dhe në kontekstin rajonal kishte një klimë aspak dashamirëse nga Serbia, Bosnja dhe nga Maqedonia që akoma nuk kishte marrë kurajën. Unë e shfrytëzova vizitën në Maqedoni për të siguruar diçka shumë të rëndësishme. Unë mora një rol moderator për të organizuar një takim të presidentëve të Ballkanit Perëndimor dhe ka qenë iniciativë e imja. Jo për të demonstruar ç’ka jam në gjendje të bëj, por për ta futur Kosovën në tavolina në mënyrë shumë elegante. E kam organizuar takimin në Vlorë në qershor të 2009, mora konfirmimin e presidentit të Maqedonisë Gjorgje Ivanov dhe konfirmimin e presidentit të Malit të Zi Filip Vujanovic. Pas kësaj, në kohën që kam qenë president janë organizuar 3 takime. Është ai i qershorit 2009 në Vlorë, i qershorit 2010 në Prizren dhe më pas në Ohër. Ky është konsideruar Forumi i Presidentëve të Ballkanit Perëndimor. Nuk i është përgjigjur Serbia dhe Bosnja. Nuk është foto e vitit 2010 që i referohet zoti Balla. Unë mendoj që duhet t?i referohet historisë në mënyrë korrekte. Historia është e shtrirë në kohë dhe mbi bazën e fakteve. E trajtuar në mënyrë metafizike, mendoj se është e gabuar?, tha ai.

Topi deklaroi se nisma e tij ishte që të përfshinte Kosovën, teksa theksoi se tashmë e kundërshton, pasi pretendon se kryeministri Edi Rama po e përjashton atë dhe po vë të parën Serbinë.

?Ishte një nismë e mirë dhe un mbaj mend edhe një citim që u tha në atë tavolinë. ?Fillimi është i mbarë, më vonë mund t?i bashkangjitet edhe Serbia, edhe Bosnja edhe Greqia?. Në atë kohë unë luftoja që Kosova të ishte në tryezë dhe duke nxjerrë në një farë mënyre debulesën politike të Serbisë, ndërsa sot partneri i parë mbetet Serbia dhe Kosova është jashtë tryezës. Zyrtarisht ka qenë Forumi i Presidentëve të Ballkanit Perëndimor. Parimi ka qenë qarkullimi i lirë i mallrave e kapitaleve?, deklaroi ish-Kreu i Shtetit./ CNA.al