web counter
LEXO PA REKLAMA!

SHKARKO APP

App Store
Google Play

Qafoku: Opozita e çoroditur, nuk ka frymë; Shima: Kështu ishte dhe Rama po fitoi zgjedhjet

25 Dhjetor 2019, 21:54, Politikë CNA

Gazetari, Roland Qafoku, më të rëndësishme sesa reformën zgjedhore për opozitën sheh mungesën e frymës dhe besimit për të mundësuar rrotacionin.

Por përballë në emisionin “Arena” në RTV Ora, drejtori i Informacionit në Ora News, Brahim Shima, e kundërshtoi këtë fakt duke deklaruar se në të njëjtën situatë ka qenë edhe Rama por fitoi zgjedhjet në 2013.

Roland Qafoku:  Nuk është reforma zgjedhore problemi numër një i opozitës për të bërë rrotacionin që kërkon. Ka shumë probleme të tjera. Më e rëndësishme fryma dhe besimi që ajo nuk e ka. Nuk shikojmë një frymë.

Brahim Shima: Edhe për Ramën dy vite para se të fitonte zgjedhjet thoshin se nuk e ka frymën që do të fitojë. 6 muaj para zgjedhjeve filloi.

Roland Qafoku: 1 vit përpara opinoni masiv e ka kuptuar që opozita vjen në pushtet. Tani jemi në vitin e 6. Zgjedhjet e parakohshme shumë pak gjasa ka që të ndodhin. Mund të ketë zgjedhje të përsëritura lokale. Kemi pushtet monist lokal, kërcet shumë.

Myslim Murrizi: Në 2023, kështu kanë thënë.

Roland Qafoku: Sot opozitës edhe t’ja japin dhuratë pushtetin nuk është e përgatitur për ta bërë atë pushtet, është e çoroditur. Këtë  e shohim dhe në aksione, njëherë mban një qëndrim, një herë tjetër. Po të rendisim ato që ka premtuar opozita mund të dalë më qesharake edhe sesa premtimet e qeverisë.





Lajmet e fundit nga